انتيكوردىڭ تەرگەۋىندە بولعان شەنەۋنىك سۋيتسيد جاسادى ما
استانا. KAZINFORM - سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى ارمان تىلەۋكەنوۆ اسا ءىرى لاۋازىم يەلەرىنىڭ اتىن پايدالانىپ، 1 ميلليون دوللار جىمقىردى دەلىنگەن كۇدىكتىنىڭ سوتتالعانىن ءمالىم ەتتى.
«سولتۇستىك قازاقستان وبلىسىندا ءبىلىم ءبولىمىنىڭ باسشىسىنىڭ ۇستىنەن سوتقا دەيىنگى تەرگەۋ ءجۇرىپ جاتىر. وعان باعىنىستى قىزمەتكەردىڭ سىبايلاس جەمقورلىققا قارسى قىزمەت دەپارتامەنتىندەگى تەرگەۋگە قاتىسىپ، كەيىن سۋيتسيد جاساعانى جايلى اقپارات پايدا بولدى. بۇل فاكتى بىزگە دە بەيمالىم»، - دەدى رەسمي وكىل.
ارمان تىلەۋكەنوۆ اتالمىش قىزمەتكەردىڭ ىستە كۋاگەر رەتىندە تۇسىنىك بەرگەنىن اتاپ ءوتتى.
«ماسەلە مىنادا، ءوزىمىز دە ول جايىندا بەيحابارمىز. ىسكە ول كۋاگەر رەتىندە قاتىسقان. تەرگەۋگە بارىنشا اتسالىستى. وعان قارسى پروتسەسسۋالدى ماجبۇرلەۋ شاراسى قولدانىلعان جوق. وبلىس اۋماعىندا ەركىن ءجۇرىپ-تۇرا الاتىن. قازىرگى تاڭدا پوليتسيا ءوزىن-ءوزى ولتىرۋگە دەيىن جەتكىزۋ فاكتىسى بويىنشا تەرگەۋ جۇرگىزىپ جاتىر»، - دەدى اگەنتتىكتىڭ رەسمي وكىلى.
