انتيكوردىڭ حالىقارالىق ىزدەۋدە جۇرگەن ەكس-قىزمەتكەرى ۇستالدى
استانا. KAZINFORM - سىبايلاس جەمقورلىققا قارسى قىزمەت حالىقارالىق ىزدەۋدە جۇرگەن بۇرىنعى قىزمەتكەرى ۇستالعانىن ءمالىم ەتتى.
سىبايلاس جەمقورلىققا قارسى ءىس-قيمىل اگەنتتىگى قوعامداعى زاڭدىلىق پەن ءتارتىپتى قامتاماسىز ەتۋ ماقساتىندا ءوز قىزمەتكەرلەرىنىڭ جۇمىسىنا ەرەكشە نازار اۋدارادى.
جەكە قۇرام اراسىندا جەمقورلىقتىڭ الدىن الۋ ماقساتىندا جۇيەلى نەگىزدە ءوز قىزمەتكەرلەرى تاراپىنان قۇقىق بۇزۋشىلىقتاردى انىقتاۋ جانە الدىن الۋ بويىنشا قاجەتتى ءىس-شارالار كەشەنى وتكىزىلەدى.
سىبايلاس جەمقورلىققا قارسى قىزمەت شىمكەنت قالاسى بويىنشا اۋماقتىق دەپارتامەنت باسشىسىنىڭ بۇرىنعى ورىنباسارى د. قوجابايەۆقا قاتىستى قىلمىستىق ءىستى تەرگەۋدە. ول قالانىڭ جالپى ءبىلىم بەرەتىن مەكتەپتەرىنىڭ ءبىرىنىڭ ديرەكتورىنان قىلمىستىق جاۋاپتىلىقتان بوساتقانى ءۇشىن پارا الدى دەگەن كۇدىككە ءىلىندى.
- قوجابايەۆ تەرگەۋدەن قاشىپ كەتكەندىكتەن، وعان حالىقارالىق ىزدەۋ جاريالاندى. بيىلعى جىلدىڭ -قاراشاسىندا سىبايلاس جەمقورلىققا قارسى ءىس-قيمىل اگەنتتىگى ۇلتتىق قاۋىپسىزدىك كوميتەتىمەن بىرلەسىپ جەدەل-ىزدەستىرۋ ءىس-شارالارىنىڭ ناتيجەسىندە قوجابايەۆتى ۇستاپ، تەرگەۋ يزولياتورىنا قامادى. قازىر تەرگەۋ جالعاسۋدا. قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتىلمەيدى، - دەلىنگەن اگەنتتىك حابارلاماسىندا.
بۇعان دەيىن حابارلاعانىمىزداي، انتيكور سوڭعى ءۇش جىلدا ت ج م لاۋازىمدى تۇلعالارىنا قاتىستى 103 جەمقورلىق قىلمىسى تىركەلگەنىن ءمالىم ەتتى.
