انتيكور تۋريزم سالاسىن تەكسەرە باستادى

سىبايلاس جەمقورلىققا قارسى ءىس-قيمىل اگەنتتىگى جانە ونىڭ اۋماقتىق دەپارتامەنتتەرى زاڭدىلىق پەن ءتارتىپتى قامتاماسىز ەتۋ ماقساتىندا تۋريزم سالاسىنداعى جەمقورلىق تاۋەكەلدەرىنە سىرتقى تالداۋدى باستادى.

تالداۋ تۋريزم جانە سپورت مينيسترلىگى تۋريزم يندۋسترياسى كوميتەتىنىڭ، ونىڭ ۆەدومستۆولىق باعىنىستى ۇيىمدارىنىڭ، «Kazakh Tourism» ۇلتتىق كومپانياسى» ا ق مەن جەرگىلىكتى اتقارۋشى ورگانداردىڭ قىزمەتىن قامتيدى.

ۇلتتىق تۋريستىك ءونىمدى قالىپتاستىرۋ جانە ونى حالىقارالىق جانە ىشكى نارىقتا ىلگەرىلەتۋ، تۋريستىك قىزمەت سالاسىندا مەملەكەتتىك باقىلاۋدى جۇزەگە اسىرۋ، بيۋجەتتى جوسپارلاۋ جانە يگەرۋ، تۋريستىك سالانى سۋبسيديالاۋ جانە بيۋجەتتىك كرەديتتەۋ ماسەلەلەرىن زەردەلەۋ جوسپارلانىپ جاتىر.

اگەنتتىكتىڭ اۋماقتىق دەپارتامەنتتەرىنىڭ قىزمەتكەرلەرىنەن باسقا تالداۋعا مۇددەلى مەملەكەتتىك ورگانداردىڭ ساراپشىلارى مەن ازاماتتىق قوعام وكىلدەرى تارتىلادى.

«سىبايلاس جەمقورلىق تاۋەكەلدەرى تۋرالى اقپارات نەمەسە وسى سالانى جەتىلدىرۋ بويىنشا ۇسىنىستار بولعان جاعدايدا ەلەكتروندى پوشتاعا جىبەرۋلەرىڭىزدى سۇرايمىز turehanova.a@antikor.gov.kz»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى