انتيكور سپورتتىق اتاقتاردى نەگىزسىز تاراتقان سپورتشىنىڭ ۇستىنەن ءىس قوزعادى

ناتيجەسىندە، سىبايلاس جەمقورلىققا قارسى قىزمەت اتالعان جاريالانىمعا ۋاقىتىلى دەن قويىپ، سوتقا دەيىنگى تەرگەۋدى تىركەدى.

اگەنتتىكتىڭ ۇسىنىسى بويىنشا جالعان سپورتشىلار سپورتتىق اتاقتارىنان ايىرىلدى.

جەمقورلىق تاۋەكەلدەرىن سىرتقى تالداۋ قورىتىندىسى بويىنشا اگەنتتىك تۋريزم جانە سپورت مينيسترلىگىنىڭ اتىنا جەمقورلىق تاۋەكەلدەرىن جويۋ بويىنشا ۇسىنىستار ەنگىزدى.

«سپورتتى تەرىس پايدالانعانى ءۇشىن جاۋاپكەرشىلىك تۋرالى حالىقارالىق ستاندارتتاردى راتيفيكاتسيالاۋ، جوعارى جەتىستىكتەر سپورتىن قارجىلاندىرۋدى ورتالىقتاندىرۋ، قارجىلاندىرۋ ناتيجەلەرىن باعالاۋعا مۇمكىندىك بەرەتىن سپورت، ينفراقۇرىلىم، سپورتتىق ءىس-شارالار مەن جەتىستىكتەر سالاسىندا اينالىساتىن ادامدار بويىنشا تولىق دەرەكتەردى قامتيتىن Е-sport ۇلتتىق سيفرلىق پلاتفورماسىن ەنگىزۋ ۇسىنىلدى»، - دەلىنگەن حابارلامادا.

بۇل سپورتشىلار، ينفراقۇرىلىم، جارىستار مەن جەتىستىكتەر تۋرالى ءبىرىڭعاي دەرەكتەر قويماسىن قۇرۋدى كوزدەيدى جانە سپورت سالاسىنداعى جەمقورلىق تاۋەكەلدەرىن بولدىرماۋعا مۇمكىندىك بەرەدى.

تەرگەۋ جالعاسىپ جاتىر.

قىلمىستىق- پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق- پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.

اۆتور

باقىتگۇل اباي قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى