انتيكور 2023-جىلدان بەرى ىزدەۋدە جۇرگەن الاياقتى ۇستادى
استانا. KAZINFORM - سىبايلاس جەمقورلىققا قارسى قىزمەتپەن 2023-جىلدان بەرى ىزدەۋدە جۇرگەن «ۋ» ازاماتى ۇستالىپ، الماتى قالاسى پ د ۋ ۇ ي قاماۋعا الىندى، - دەپ حابارلايدى Massaget.kz ءتىلشىسى.
ول بۇرىن سوت ۇكىمىمەن تاركىلەنگەن ءۇش ءۇي مەن ەكى پاتەر تۇرىندەگى مەملەكەتتىك مۇلىكتى جىمقىردى دەگەن كۇدىككە ىلىنگەن.
الاياقتىق الماتى قالاسى بويىنشا اكىمدىك پەن ۇ ق ك د لاۋازىمدى ادامدارىنىڭ قاتىسۋىمەن باقىلاۋداعى ادامدارعا جالعان تومەن باعامەن جانە بەلگىلەنگەن ساۋدا-ساتتىقسىز جىلجىمايتىن مۇلىكتى ساتۋ جولىمەن جاسالعان.
اعىمداعى جىلدىڭ 14-ماۋسىمىندا بىشكەك قالاسىندا «ۋ» ازاماتى ۇستالعاننان كەيىن ول قىرعىز رەسپۋبليكاسى ءى ءى م قىزمەتكەرلەرىنە جەڭىلدەتىلگەن راسىمدەر بويىنشا ءوز ەركىمەن وتانىنا ورالۋعا دايىندىعى تۋرالى حابارلادى.
سول كۇنى الماتى قالاسى پروكۋراتۋراسىنىڭ ۇيلەستىرۋىمەن سىبايلاس جەمقورلىققا قارسى قىزمەت قىزمەتكەرلەرىنىڭ سۇيەمەلدەۋىمەن «ۋ» ازاماتى قىرعىز رەسپۋبليكاسىنىڭ شەكاراسىنان ءوتىپ، الماتى قالاسىنا جەتكىزىلدى.
قازىرگى ۋاقىتتا كۇدىكتىنىڭ قاتىسۋىمەن تەرگەۋ ارەكەتتەرى جۇرگىزىلىپ جاتىر.
قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
