انتاركتيدادا تۇركيانىڭ كولەمىندەي مۇز ەرىدى
استانا. KAZINFORM - انتاركتيدادا ءۇش جىلدا تۇركيانىڭ كولەمىندەي مۇز ەرىپ كەتتى. بۇل تۋرالى تۇرىك عالىمدارىنىڭ 8- ۇلتتىق انتاركتيكا عىلىمي ەكسپەديتسياسىنىڭ سوڭعى ءۇش جىلداعى زەرتتەۋلەرىنىڭ قورىتىندىلارىنا نەگىزدەلگەن بايانداماسىندا ايتىلعان، دەپ حابارلايدى انادولى اقپارات اگەنتتىگى.
تۇركيانىڭ عىلىمي- زەرتتەۋ لاگەرى ورنالاسقان حورسشۋ ارالىندا GNSS ستاتسيونارلىق ستانسيالارىن پايدالانىپ، اتموسفەراداعى سۋ بۋىنىڭ دەڭگەيى، تەڭىز، مۇز جانە قار دەڭگەيى سياقتى ماڭىزدى پارامەترلەردى باقىلاعان عالىمدار جاھاندىق كليماتتىڭ وزگەرۋىنە بايلانىستى اسىرەسە سۋ بۋى مولشەرىندەگى وزگەرىستەردىڭ ارتقانىن انىقتادى.
سونىمەن قاتار ۇشقىشسىز ۇشۋ اپپاراتتارى مەن سپۋتنيكتىك ولشەۋ ادىستەرىن قولدانۋ ارقىلى مۇزدىقتاردىڭ ايتارلىقتاي ەرۋى بايقالدى.
حورسشۋ ارالىنداعى جوبانىڭ العاشقى قورىتىندىلارى 2022 جانە 2023 -جىلدار ارالىعىندا كولەمى شامامەن 100 شارشى مەتر قار مەن مۇزدىقتاردىڭ اۋدانى ورتا ەسەپپەن 7 تەكشە مەترگە ازاياتىنىن كورسەتتى.
عالىمدار بار بولعانى ءبىر جىلدىڭ ىشىندە قار مەن مۇزدىقتاردىڭ ايتارلىقتاي ەرىگەنىن جانە وسى ەرۋدىڭ ناتيجەسىندە ءارتۇرلى مۇزدىق ويىقتار مەن شالشىقتاردىڭ پايدا بولعانىن انىقتادى.
ولاردىڭ ايتۋىنشا، مۇزدىقتار وسى قارقىنمەن ەرۋىن جالعاستىرعان سايىن، اتموسفەراعا سۋ بۋىنىڭ كوبىرەك ءبولىنۋى جانە پارنيكتىك گازدار كونسەنتراتسياسىنىڭ جوعارىلاۋى ارقىلى جاھاندىق كليماتتىڭ وزگەرۋى ءسوزسىز جىلدامدايدى.
جاھاندىق كليماتتىق وزگەرىستەردىڭ جىلدام ءوسۋىنىڭ جالعاسۋى تۇشى سۋمەن قامتاماسىز ەتەتىن مۇزدىقتاردىڭ ەرىپ، تەڭىزدە جوعالىپ كەتەدى دەگەن ءسوز.
8- ۇلتتىق انتاركتيكا عىلىمي ەكسپەديتسياسىنىڭ ۇيلەستىرۋشىسى، پروفەسسور بۋردجۋ وزسويدىڭ مالىمدەۋىنشە، انتاركتيدادا تەڭىز مۇزى ازايىپ قانا قويماي، مۇزدىقتاردىڭ ايتارلىقتاي جوعالۋى بايقالعان.
اۆتور
زارينا تۋعانبايەۆا
