انتاركتيدادا كوكونىستىڭ رەكوردتىق مول ءونىمى جينالدى

Kazinform اگەنتتىگى بۇل تۋرالى تاسس اقپارات اگەنتتىگىنە سىلتەمە جاساپ حابارلايدى.

اركتيكا جانە انتاركتيكا عىلىمي-زەرتتەۋ ينستيتۋنىڭ (ا ا ع ز ي) عالىمدارى اگروفيزيكا عىلىمي-زەرتتەۋ ينستيتۋتى (ا ف ي) جانە رعا قۇرلىقتىق انتاركتيكانىڭ ۆوستوك ستانتسياسىنداعى مەديتسينالىق-بيولوگيالىق پروبلەمالار ينستيتۋتىنىڭ ماماندارىمەن بىرلەسىپ كوكونىستىڭ رەكوردتىق مول ءونىمىن جيناپ، العاش رەت قيار ءوسىردى. بۇل تۋرالى تىلشىلەرگە ينستيتۋتتىڭ باسپا ءسوز قىزمەتىنەن حابارلادى.

«جيىلعان قيار جەمىستەرىنىڭ ءونىمى - ءبىر شارشى مەتردەن جىلىنا 99 كەلى، ونىڭ ساباعىنىڭ ۇزىندىعى 2 مەترگە جەتتى. بۇل ناتيجەنى جاعدايى جاسالعان، قوسىمشا جارىقتاندىرىلعان وزىق زاماناۋي جىلىجايلاردان الىنعان ونىممەن سالىستىرۋعا بولادى نەمەسە ودان جوعارى - مۇندا ساباعىنىڭ ۇزىندىعى 4 مەترگە جەتەتىن وسىمدىكتەردەن ءبىر شارشى مەتر جەردەن جىلىنا 90-213 كەلى ءونىم جينالادى. بۇل - وتە جاقسى كورسەتكىش، ءبىز ازىرلەگەن تەحنولوگيا مەن وسىمدىكتەردى ءوسىرۋ جۇيەسىنىڭ جوعارى تيىمدىلىگىن تانىتىپ وتىر»، - دەپ اتاپ ءوتتى جوبانىڭ جەتەكشىسى، افي ءبولىم مەڭگەرۋشىسى گايانە پانوۆا.

ۆوستوك ستانتسياسىنداعى عالىمداردىڭ جۇمىسى ءبىر شارشى مەتر اۋماقتان توپىراقسىز تەحنولوگيانى قولدانۋ ادىسىمەن ەكى جىلىجايدان جىلىنا 100 كەلىگە دەيىن قيار، 29 كەلى قىزاناق، 11 كەلى ءتاتتى بۇرىش جانە 149 كەلى ورامجاپىراق جيناۋعا بولاتىنىن كورسەتتى.

قازىرگى كەزدە افي بيوپوليگونىندا ورمان جيدەكتەرى - قارابۇلدىرگەن، كوكجيدەك جانە قويبۇلدىرگەن ءوسىرۋ تەحنولوگياسىن جەتىلدىرۋدە. سىناق ناتيجەلەرى ءساتتى وتكەن سوڭ جاڭا فيتوتەحكەشەن-3 ۆوستوك ستانتسياسىنا جونەلتىلەدى.

«قازىرگى كەزدە ۆوستوكتىڭ جاڭا قىستاۋ كەشەنى سالىنىپ جاتىر، ونى 2024-جىلدىڭ باسىندا تەستىلەۋ رەجيمىندە ىسكە قوسۋدى جوسپارلاپ وتىرمىز. تاعى ءبىر جىلدان سوڭ ول پايدالانۋعا بەرىلمەك. جاڭا ستانتسياعا قوسىمشا رەتىندە جىلىجاي سالىنىپ، پوليارشىلاردىڭ راتسيونى جاڭا پىسكەن كوكونىستەر، مۇمكىن ءتىپتى جيدەكتەرمەن دە تولىقتىرىلادى»، - دەپ باياندادى ا ا ع ز ي ديرەكتورى الەكساندر ماكاروۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى