انكارادا تۇركيا مەن تۇرىكمەنستاننىڭ قورعانىس سالاسىنداعى ىنتىماقتاستىعى تالقىلاندى
استانا. KAZINFORM - تۇركيانىڭ ۇلتتىق قورعانىس ءمينيسترى ياشار گيۋلەر تۇرىكمەنستان قورعانىس مينيسترلىگىنىڭ باسشىسى بەگەنچ گۋندوگدىيەۆپەن كەزدەستى، دەپ جازادى انادولى.
انكاراداعى قورعانىس مينيسترلىگى عيماراتىندا رەسمي قارسى الۋ ءراسىمى ءوتتى.
ەكى ەلدىڭ ءانۇرانى شىرقالدى، سودان كەيىن تۇرىكمەنستاننىڭ قورعانىس ءمينيسترى قۇرمەتتى قاراۋىل ساپىن قارسى الدى.
كەلەسى كەزەكتە مينيسترلەر شاعىن جانە كەڭەيتىلگەن قۇرامدا ەكىجاقتى كەزدەسۋ وتكىزدى.
