انالارعا 8-ناۋرىز مەرەكەسىنە وراي ايرىقشا قۇرمەت كورسەتىلمەك

مەملەكەت تاراپىنان ءتۇرلى دەڭگەيدە الەۋمەتتىك كومەك قاراستىرىلىپ، انا مارتەبەسىن اسقاقتاتاتىن ارنايى ءىس-شارالار ۇيىمداستىرىلۋدا.

تۇركىستان وبلىسى تۇرعىندارىنىڭ تەڭ جارتىسىنا جۋىعى - ايەلدەر. ايماق كوپبالالى انالاردىڭ ەڭ كوپ شوعىرلانعان وڭىرلەرىنىڭ ءبىرى، مۇندا 185349 انا ءتورت جانە ودان دا كوپ بالانى تاربيەلەپ وتىر.

بۇل انالاردىڭ ىشىندە:

117927 انا - 18 جاسقا دەيىنگى 4 جانە ودان كوپ بالاسى بار؛

2175 انا - «باتىر انا» اتاعىنا يە؛

18570 انا - «التىن القا» يەگەرى؛

43413 انا - «كۇمىس القا» يەگەرى؛

3264 انا - I- II دارەجەلى «انا داڭقى» وردەنىمەن ماراپاتتالعان.

تۇركىستان وبلىسىندا الەۋمەتتىك كومەكتىڭ نەگىزگى باعىتتارى - كوپبالالى جانە تابىسى تومەن وتباسىلاردى قولداۋ. بۇگىندە 5265 وتباسى (31933 ادام) اتاۋلى الەۋمەتتىك كومەك الىپ وتىر، ولاردىڭ %62 كوپبالالى وتباسىلار.

جەرگىلىكتى اكىمدىكتەر مەرەكەگە وراي انالاردى ارنايى قۇتتىقتاۋلارمەن قامتىپ، مۇقتاج جاندارعا قارجىلاي جانە زاتتاي كومەك كورسەتۋ جۇمىستارىن ۇيىمداستىرۋدا.

8-ناۋرىزعا وراي ءبىر رەتتىك تولەم بەرىلەدى

انالارعا دەگەن قۇرمەتتى ارتتىرۋ ماقساتىندا، تۇركىستان وبلىسىندا 63 مىڭنان استام كوپبالالى اناعا 484,8 ميلليون تەڭگە كولەمىندە ءبىرجولعى ماتەريالدىق كومەك بەرىلەدى. ءار اناعا تولەنەتىن ورتاشا سوما - 7864 تەڭگە. بۇل قاراجات اۋداندىق جانە قالالىق بيۋجەتتەن بولىنەدى.

شىمكەنت قالاسىندا دا «التىن» جانە «كۇمىس» القا يەگەرلەرى، «باتىر انا» اتاعىن العان، I جانە II دارەجەلى «انا داڭقى» وردەندەرىمەن ماراپاتتالعان انالارعا 5 ا ە ك (17250 تەڭگە) كولەمىندە ءبىر رەتتىك الەۋمەتتىك تولەم قاراستىرىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى