امەريكالىق ءانشى جەننيفەر لوپەس قازاقستانعا كەلەدى
استانا. KAZINFORM - الەمدىك جۇلدىز Up All Night تۋرنەسىنىڭ باستالعانىن جاريالادى.
بۇل تۋرالى ءانشىنىڭ Instagram جەلىسىندەگى رەسمي دەرەككوزدەن بەلگىلى بولدى.
امەريكالىق اكتريسا جانە ءانشى دجەننيفەر لوپەس گاسترولدىك ساپارى اياسىندا 1-تامىزدا استانادا Astana Arena دا ونەر كورسەتەدى.
تۋر 1-شىلدەدە باستالىپ، 3-تامىزعا دەيىن جالعاسادى. ول الەمنىڭ 17 قالاسىن قامتيدى، سونىڭ ىشىندە: انتاليا مەن ىستانبۇل، مادريد پەن بارسەلونا، بۋداپەشت، ۆارشاۆا، بۋحارەست، ءابۋ-دابي جانە ت. ب. بار.
- بارلىق حالىقارالىق JLovers ءۇشىن ايتارىم، مەن وسى جازدا بىرنەشە تاڭداۋلى ورىندا ونەر كورسەتەمىن. ساحناعا قايتا ورالىپ، ءبارىڭىزدى كورگەنشە اسىقپىن. بۇل تاڭعاجايىپ جاز بولادى، - دەپ ءتۇسىندىردى دجەننيفەر لوپەس الداعى تۋر تۋرالى.
