الپىستان استام قۇلان «ىلە- بالقاش»، «التىن دالا» رەزەرۆاتتارىنا كوشىرىلدى

- جانۋارلاردى كوشىرۋ جانە ولاردىڭ بەيىمدەلۋى ءۇشىن قولايلى جاعداي جاساۋ - ءتۇردى ساقتاپ قالۋعا جانە قازاقستاننىڭ جازىق دالالى ەكوجۇيەسىندە تابيعي تەپە-تەڭدىكتى قالپىنا كەلتىرۋگە ىقپال ەتەدى. قازاقستان اۋماعىندا تولىعىمەن جويىلىپ كەتكەن قۇلاندار 1950-60 -جىلدارى تۇركىمەنستاننان اكەلىنگەن 14 قۇلاننىڭ كومەگىمەن قايتا جاندانىپ، 4493-كە جەتتى، - دەدى مينيستر ۇكىمەت ۇيىندە وتكەن باسپا ءسوز ءماسليحاتىندا.

سونىمەن قاتار پرەزيدەنت تاپسىرماسىن ورىنداۋ ماقساتىندا كاسپي يتبالىعىنىڭ پوپۋلياتسياسىن ساقتاۋ ءۇشىن بيىلعى قازان ايىندا ۇكىمەت قاۋلىسىمەن «كاسپيي يتبالىعى» تابيعي رەزەرۆاتى قۇرىلدى.

بۇدان باسقا، جەك دۋاداق پوپۋلياتسياسىن ساقتاپ قالۋ جانە تابيعي تىرشىلىك ەتۋ ورتاسىنا جىبەرۋ ماقساتىندا بىرىككەن اراب امىرلىكتەرىمەن كەلىسىم اياسىندا تۇركىستان وبلىسىندا جەك دۋاداقتى قايتا ءوسىرۋ ورتالىعى سالىندى. 2009-2024 -جىلدار ارالىعىندا 73 مىڭنان استام جەك دۋاداق تابيعاتقا جىبەرىلدى.

بۇدان بولەك، قازاقستاننىڭ قىزىل كىتابىنا تاعى 11 جانۋار ءتۇرى ەنگىزىلەدى.

ايجان سەرىكجان قىزى

اۆتور

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى