اليمەنت تولەمەيتىن، جۇمىس ىستەمەيتىن، مۇلكى جوق بورىشكەرلەردىڭ ماسەلەسى قالاي شەشىلمەك
استانا. KAZINFORM - بورىشكەر اليمەنت تولەمەيدى، جۇمىس ىستەمەيدى جانە مۇلكى جوق: بۇل جاعدايدى قالاي شەشۋگە بولاتىنىن و ك ق الاڭىندا وتكەن باسپا ءسوز بريفينگىسىندە ادىلەت ۆيتسە-ءمينيسترى دانيەل ۆايسوۆ ايتتى.
ادىلەت مينيسترلىگى، اتاپ ايتقاندا، وڭىرلەردەگى اليمەنت وندىرەتىن ارنايى توپتار وسىنداي بورىشكەرلەرمەن جۇمىس ىستەيتىنىن ايتتى.
«اكىمدىكتەرمەن بىرلەسىپ، بىزدە وسىنداي بورىشكەرلەردى جۇمىسقا ورنالاستىرۋ بويىنشا جۇمىس جولعا قويىلدى»، - دەدى ادىلەت ۆيتسە-ءمينيسترى دانيەل ۆايسوۆ و ك ق الاڭىندا وتكەن باسپا ءسوز كونفەرەنسياسىندا.
سونداي-اق، سپيكەر شەتەلدە جۇمىس تاپقان بورىشكەرلەرگە ۋاقىتشا شىعۋعا تىيىم سالۋدى الۋعا قاتىستى تۇسىنىكتەمە بەردى.
«بورىشكەر الدىمەن قازاقستاندا ءوز قارىزدارىن وتەسىن، سودان كەيىن كەتۋىنە بولادى. الايدا، ءوندىرىپ الۋشىنىڭ ءوتىنىشى بويىنشا ۋاقىتشا شەكتەۋدىڭ كۇشىن جويۋعا بولادى. ەگەر نەسيە بەرۋشى بورىشكەر شەتەلدە جۇمىس تاۋىپ، قارىزدى جابا الادى دەپ ويلاسا، ياعني ءوندىرىپ الۋشى جاۋاپكەرشىلىكتى ءوز موينىنا السا، وندا ءبىز قاراستىرىپ، تىيىمدى الىپ تاستايمىز»، - دەدى سپيكەر.
اۆتور
باقىتگۇل اباي قىزى
