الياسكا شتاتىنداعى جوعالعان ۇشاق ىزدەستىرىلىپ جاتىر

الياسكا ايماعىنداعى ا ق ش جاعالاۋ كۇزەتىنىڭ حابارلاۋىنشا، Bering Air كومپانياسىنا تيەسىلى Cessna Caravan ۇشاعى ۋنالاكليتا مەن نوم باعىتىندا بايلانىستان اجىراپ قالعان كەزدە جاعالاۋدان 19 ك م قاشىقتىقتا بولعان.

ەكى قالا ءبى-بىرىنەن شامامەن 235 كم قاشىقتىقتا ورنالاسقان.

- بورتتا 10 ادام بولعان. 9 جولاۋشى مەن ۇشقىش، - دەپ حابارلادى الياسكا قوعامدىق قاۋىپسىزدىك دەپارتامەنتى.

ايتا كەتەيىك، قاڭتار ايىنىڭ سوڭىندا ۆاشينگتونداعى رونالد رەيگان اۋەجايىنىڭ ماڭىندا جولاۋشىلار ۇشاعى مەن تىكۇشاق اۋادا سوقتىعىسىپ، پوتوماك وزەنىنە قۇلاعان بولاتىن. سالدارىنان 67 ادام قازا تاپتى.

اقپان ايىنىڭ باسىندا فيلادەلفيانىڭ سولتۇستىك- شىعىسىندا مەديتسينالىق ەۆاكۋاتسيا ۇشاعى اۋەگە كوتەرىلگەننەن كەيىن كوپ ۇزاماي اپاتقا ۇشىرادى. بورتتاعى التى ادام مەن جەردەگى كولىكتە بولعان ءبىر ادام قازا تاپتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى