پاۆلودارلىق پوليتسەيلەر 23 جىل بۇرىن قىز زورلاعان ادامدى ۇستادى
پاۆلودارلىق پوليتسەيلەر 23 جىل بۇرىن قىزدى زورلاعان ادامدى ۇستادى. ول 20 جىلدان استام ىزدەۋدە جۇرگەن، - دەپ حابارلايدى pavlodarnewz.kz.
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، جەرگىلىكتى ءتارتىپ ساقشىلارى رەسەي فەدەراتسياسىنىڭ ەكى ازاماتىنىڭ ورنالاسقان جەرىن انىقتاپ قۇرىقتادى. زاڭ بۇزۋشىلار ۇزاق جىلدار بويى ىزدەۋدە جۇرگەن.
57 جاستاعى ەر ادام 2000-جىلى رەسەي فەدەراتسياسىنىڭ ومبى قالاسىندا 17 جاستاعى قىزدى زورلاعان، قازىرگى تاڭدا 69 جاستاعى ايەل 1999-جىلى رەسەيدە ەسىرتكى قىلمىسىن جاساعان. وسى جىلدار ىشىندە ەكەۋى دە جاسىرىنىپ، تۇرعىلىقتى جەرىن اۋىستىرا بەرگەن.
«ادامداردى ىزدەستىرۋ ۇزدىكسىز جۇرگىزىلەدى. جەدەل قىزمەتكەرلەر قابىلدانعان شارالاردىڭ ناتيجەسىندە ولاردىڭ ورنالاسقان جەرىن انىقتادىق. قازىرگى ۋاقىتتا ەكستراديتسيالاۋ ماسەلەسى حالىقارالىق شارتتارعا سايكەس شەشىلەتىن بولادى»، - دەدى وبلىستىق پوليتسيا دەپارتامەنتى كريمينالدىق پوليتسيا باستىعى بالعاباي قاپاروۆ.
ايتا كەتۋ كەرەك، جىل باسىنان بەرى ىزدەستىرۋدە جۇرگەن 135 قىلمىسكەردىڭ جاسىرىنعان ورنى انىقتالىپ، قولعا ءتۇسىرىلدى.
