پاۆلوداردا مانشۇك مامەتوۆا پايدالانعان ساماۋىر ساقتالىپ تۇر

پوتانين اتىنداعى تاريحي-ولكەتانۋ مۋزەيىنىڭ قىزمەتكەرى جەڭىسبەك قادىر ۇلىنىڭ ايتۋىنشا، جادىگەر 2014-جىلى تاپسىرىلعان. ونى «مايدان جولى» ىزدەستىرۋ جاساعىنىڭ مۇشەسى، قوعام بەلسەندىسى جۇمابەك قامزين نيەۆەلدەن ارنايى الىپ كەلگەن.

- سول جىلدارى رەسەيدىڭ پسكوۆ وبلىسى نيەۆەل قالاسىنا ەكسپەديتسيا ۇيىمداستىرىلدى. جاساق مۇشەلەرى قازاق جاۋىنگەرلەرىنىڭ ەرلىك جاساعان جەرلەرىن ارالاپ، بەلگىسىز جاۋىنگەرلەردىڭ جەرلەنگەن زيراتتارىن ىزدەستىردى. رەسەيلىك ىزدەستىرۋشىلەر مانشۇك مامەتوۆا پايدالانعان ساماۋىردىڭ تابىلعانى تۋرالى ايتقان ەكەن. سودان جۇمابەك اعامىز ونى اتتاي قالاپ سۇراپ الادى دا ءبىزدىڭ مۋزەيگە اكەلىپ تاپسىردى. 2022-جىلى قازاقتىڭ باتىر قىزىنىڭ تۋعانىنا 100 جىل تولۋىنا وراي مۋزەيدە مەكتەپ وقۋشىلارى مەن ستۋدەنتتەردىڭ، قالا قوناقتارىنىڭ قاتىسۋمەن ەسكە الۋ كەشتەرى ءوتتى. وندا بۇل جادىگەر جونىندە كەڭىنەن اڭگىمەلەنىپ، قاھارماننىڭ ومىرىنەن دەرەكتەر ايتىلدى. ساماۋرىنعا قاتىستى تىڭ مالىمەتتەردى جينادىق. داڭقتى پۋلەمەتشى قىز پايدالانعان جادىگەر بۇگىندە مۋزەيدەن ءوزىنىڭ لايىقتى ورنىن تاپتى، - دەيدى ول.

مانشۇك مامەتوۆا ەكىنشى دۇنيەجۇزىلىك سوعىستا نيەۆەل تۇبىندە 1943-جىلى ەرلىكپەن قازا تاپقانى تاريحتان بەلگىلى. مايداندا ءجۇرىپ كەڭەس اسكەرىنىڭ 300 مىڭ جاۋىنگەرى، سونىڭ ىشىندە ايەلدەردىڭ 86 سى باتىر اتاعىن العان. ونىڭ ەكەۋى قازاق قىزى بولاتىن. ۇرپاق باقىتى، ۇلت بولاشاعى ءۇشىن جان بەرگەن اپالارىمىزدىڭ ەرلىگى وسىنداي جادىگەرلەر ارقىلى ەل ەسىندە جاڭعىرا بەرمەك.

ەسكە سالا كەتەيىك، پاۆلوداردا «بوككا» - ەجەلگى ارۋلاردىڭ اشەكەيى ساقتالىپ تۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى