پاۆلوداردا كۇشتى جەل سالدارىنان ۇستىنە اعاش قۇلاعان ايەل جان تاپسىردى

جازاتايىم وقيعا بۇگىن تاڭەرتەڭگىلىك، پاۆلودار قالاسى ەستاي كوشەسى 89/1-مەكەنجايىندا ورنالاسقان كوپقاباتتى ءۇيدىڭ اۋلاسىندا بولعان.

«بۇگىن ساعات 09.37-دە پاۆلودار قالاسى ەستاي كوشەسىندەگى تۇرعىن ۇيلەر اۋلاسىنىڭ بىرىندە ايەل ادامدى قۇلاعان اعاشتىڭ باسىپ قالعانى تۋرالى حابار ءتۇستى. جەدەل جاردەم بريگاداسى وقيعا ورنىنا 6 مينۋتتا جەتتى. 1957 -جىلعى ايەل ادام زارداپ شەككەن. زارداپ شەگۋشىنىڭ ەكى اياعى، كوكىرەك تۇسى، جامباس سۇيەكتەرى، ومىرتقاسى سىنعان، ىشكى اعزالارى جاراقاتتانعان، 3-4-دارەجەدەگى جاراقات شوگىن العان. وكىنىشكە قاراي، ول العان جاراقاتى سالدارىنان كوز جۇمدى» - دەپ حابارلادى وڭىرلىك جەدەل جاردەم ستانساسىنان.

قازىرگى ۋاقىتتا پاۆلودار وبلىسىنىڭ اۋماعىندا جىلدامدىعى سەكۋندىنا 25-30 مەترگە دەيىن جەتەتىن داۋىل سوعىپ تۇر.

ەسكە سالا كەتەيىك، قاتتى جەلگە بايلانىستى پاۆلودار وبلىسىنىڭ بارلىق ايماعىندا ساباقتار ونلاينعا كوشىرىلدى.

اۆتور
مۇرات اياعان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى