پاۆلوداردا ءورت سوندىرۋشىلەر ەر ادامدى جانىپ جاتقان ۇيدەن الىپ شىقتى

بۇل تۋرالى وڭىرلىك توتەنشە جاعدايلار دەپارتامەنتى حابارلادى.

«25-اقپان كۇنى ساعات 20.21-دە پاۆلودار قالاسىنىڭ وردجونيكيدزە كوشەسىندە جەكە ءۇيدىڭ ورتەنىپ جاتقانى تۋرالى حابارلاما كەلىپ ءتۇستى. شاقىرۋ ورنىنا ءورت ءسوندىرۋ قىزمەتىنىڭ قىزمەتكەرلەرى جەدەل جەتتى. بەلگىلى بولعانداي، جالىن اۋماعى 10 شارشى مەتردى قامتىعان، ءۇي زاتتارى مەن شاتىر جانعان. 3-ءوسب قاراۋىل باستىعى قايرات بەكسەيىتوۆ پەن بولىمشە كومانديرى باقتيار نۇرماعامبەتوۆ جانىپ جاتقان ۇيدەن 1961 -جىلى تۋعان ەر ادامدى امان الىپ شىقتى. قۇتقارىلعان ازامات اپاتتار مەديتسيناسى ورتالىعىنىڭ قىزمەتكەرلەرىنە تاپسىرىلىپ، ءارى قاراي اۋرۋحاناعا جاتقىزىلدى»، - دەپ مالىمدەدى توتەنشە جاعدايلار دەپارتامەنتىنەن.

ال ءورت ءسوندىرۋشى قايىرگەلدى قارىبايەۆ ۇيدەن گاز بالونىن الىپ شىققان. ءورت ساعات 21.01 دە وقشاۋلانىپ، ساعات 21.26 دا ءسوندىرىلدى.

ءورتتىڭ سەبەبى مەن كەلتىرىلگەن شىعىن انىقتالىپ جاتىر. وقيعا ورنىندا جەكە قۇرامنان 17 ادام جانە 4 بىرلىك ءورت ءسوندىرۋ تەحنيكاسى جۇمىس ىستەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى