پاۆلوداردا بەلدىك تاقپاعان 7 مىڭنان استام جۇرگىزۋشى جاۋاپقا تارتىلدى
پاۆلودار. KAZINFORM - ەرتىس-بايان وڭىرىندە قاۋىپسىزدىك بەلبەۋىن تاقپايتىن جۇرگىزۋشىلەر قاتارى ازايار ەمەس. جىل باسىنان پوليتسەيلەر 7421 تۇرعىندى اكىمشىلىك جاۋاپكەرشىلىككە تارتتى.
- جىل باسىنان بەرى پاۆلودار وبلىسىنىڭ پوليتسەيلەرى قاۋىپسىزدىك بەلدىگىن ەلەمەگەن 7,5 مىڭعا جۋىق جۇرگىزۋشىنى جاۋاپكەرشىلىككە تارتتى. مىسالى، پوليتسيا قىزمەتكەرلەرى لەرمونتوۆ كوشەسىندە پاترۋلدەۋ كەزىندە «تويوتا» ماركالى اۆتوكولىگىن توقتاتتى. كولىك جۇرگىزۋشىسى قاۋىپسىزدىك بەلدىگىن تاقپاعان. ەر ادام اكىمشىلىك جاۋاپكەرشىلىككە تارتىلىپ، 5 ايلىق ەسەپتىك كورسەتكىش مولشەرىندە ايىپپۇل سالىندى، - دەپ حابارلادى پاۆلودار وبلىسى پوليتسيا دەپارتامەنتىنەن.
ستاتيستيكالىق دەرەكتەر قاۋىپسىزدىك بەلدىكتەرىن پايدالانۋ جول وقيعالارىنىڭ %70 ىندا جاراقاتتانۋدان ساقتايتىنىن كورسەتىپ وتىر.
ەسكە سالا كەتەيىك، پاۆلوداردا جىلقىمەن سوقتىعىسقان كولىك جۇرگىزۋشىسى كوز جۇمعانىن جازعان ەدىك.
اۆتور
مۇرات اياعان
