پاۆلوداردا اپاتتىق جاعداي تۋعىزعان 500 دەن استام جۇرگىزۋشى جازالاندى
پاۆلودار. KAZINFORM - وڭىردەگى جولداردا اپاتتىق جاعداي تۋعىزاتىن كولىك جۇرگىزۋشىلەرى تىيىلماي تۇر. تەك ءبىر تاۋلىكتىڭ ىشىندە پوليتسەيلەر جول قاۋىپسىزدىگى بويىنشا 273 زاڭ بۇزۋشىلىقتى انىقتاعان.
پاۆلودار وبلىسىندا اپاتتىق جاعداي تۋعىزعان 500 دەن استام جۇرگىزۋشى جاۋاپكەرشىلىككە تارتىلدى.
- مىسالى، اقسۋ قالاسىنىڭ پوليتسياسىنا قالا تۇرعىنى پوليتسياعا قوڭىراۋ شالىپ، نابەرەجنايا- اۋەزوۆ كوشەلەرىنىڭ قيىلىسىندا Haval ماركالى اۆتوكولىكتى تىزگىندەگەن ايەل ادام اپاتتىق جاعداي تۋعىزعانىن حابارلادى. بۇل زاڭ بۇزۋشىلىق وزگە جۇرگىزۋشىلەرگە كەدەرگى كەلتىرگەن. جول ءجۇرۋ قاعيدالارىن بۇزعانى ءۇشىن كىنالى تۇلعاعا قاتىستى اكىمشىلىك ماتەريال تولتىرىلدى. سونداي-اق جۇرگىزۋشىمەن مۇنداي زاڭ بۇزۋشىلىقتاردىڭ الدىن الۋ تۋرالى اڭگىمە جۇرگىزىلدى، - دەپ حابارلادى پاۆلودار وبلىسى پوليتسيا دەپارتامەنتىنىڭ باسپا ءسوز قىزەتىنەن.
قازىر اۋماقتا «قۇقىقتىق ءتارتىپ» جەدەل پروفليلاكتيكالىق ءىس-شاراسى ءوتىپ جاتىر. پوليتسەيلەر ءبىر تاۋلىكتە 827 زاڭ بۇزۋشىلىقتى انىقتاعان. ونىڭ ىشىندە 14 ادام كولىك رۋلىنە ماس كۇيىندە وتىرسا، 135 ادام جاياۋ جۇرگىنشىلەردىڭ جول ءجۇرۋ ەرەجەلەرىن بۇزعان.
ەسكە سالا كەتەيىك، پاۆلوداردا بەلدىك تاقپاعان 7 مىڭنان استام جۇرگىزۋشى جاۋاپقا تارتىلدى.
اۆتور
مۇرات اياعان
