پاۆلودار وبلىسىنىڭ تۇرعىنىنان قۇنى 2 ميلليارد تەڭگە بولاتىن كيىك مۇيىزدەرى تابىلدى
پاۆلودار وبلىسىنىڭ تۇرعىنىنان قۇنى 2 ميلليارد تەڭگە بولاتىن كيىك مۇيىزدەرى تابىلدى. مۇيىزدەردى وبلىستىق پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى مەن ۇلتتىق قاۋىپسىزدىك كوميتەتىنىڭ وڭىرلىك دەپارتامەنتىنىڭ قىزمەتكەرلەرى تاركىلەدى، دەپ حابارلايدى Kazinform Polisia.kz سايتىنا سىلتەمە جاساپ.
ۇستالعان اقسۋ قالاسىنىڭ 49 جاستاعى تۇرعىنىنىڭ گاراجىن ءتىنتۋ كەزىندە كيىك مۇيىزدەرى ساقتالعان 8 جاشىك تابىلدى. جالپى سالماعى 170 كەلىگە جۋىق بولاتىن قىزىل كىتاپقا ەنگەن جانۋاردىڭ 800-گە جۋىق ءمۇيىزى تاركىلەندى.
- وسى فاكتى بويىنشا ق ر ق ك- ءنىڭ 339-بابىنىڭ 1-1-بولىگى بويىنشا سوتقا دەيىنگى تەرگەۋ باستالدى. كۇدىكتىگە قاتىستى كەلۋ تۋرالى مىندەتتەمە تۇرىندەگى بۇلتارتپاۋ شاراسى تاڭدالدى. ءبىرقاتار ساراپتاما تاعايىندالدى، سونىڭ ىشىندە بيولوگيالىق جانە تراسسولوگيالىق. ۇستالعانداردىڭ مەملەكەتكە كەلتىرگەن زيانى شامامەن 2 ميلليارد تەڭگەنى قۇرادى، - دەدى پاۆلودار وبلىسى پوليتسيا دەپارتامەنتىنىڭ باستىعى ۆاسيليي سكليار.
اۆتور
ايدار وسپاناليەۆ
