التىننىڭ گرامى 45 مىڭ تەڭگەگە جەتتى
استانا. قازاقپارات - اقشاسىن التىنمەن ۇستايتىندار مول پايداعا كەنەلىپ جاتىر، دەپ حابارلادى turkystan.kz پورتالى «استانا» تەلەارناسىنا سىلتەمە جاساپ.
سەبەبى باعالى مەتالدىڭ باعاسى شارىقتاپ، رەكوردتىق كورسەتكىشكە جەتتى. ۇلتتىق بانك التتىنىڭ ءبىر گرامىن 44479 تەڭگە دەپ بەكىتتى. ياعني ءبىر تاۋلىكتە باعا بىردەن 1,6 پايىزعا ءوستى. اپتا ىشىندە شامامەن 4، ال بىلتىرعىمەن سالىستىرعاندا 47 پروتسەنتكە كوتەرىلگەن. ماماندار باعانىڭ قىمباتتاۋىنا ءوندىرىس سەكتورى مەن ينۆەستورلار تاراپىنان سۇرانىستىڭ ارتۋى سەبەپ ەكەنىن ايتتى.
بيىلعى ءۇشىنشى توقساندا ورتاشا جالاقى 400 مىڭ تەڭگەنىڭ كولەمىندە بولدى. ال 993 مىڭ ادام بۇل سوممادان كوبىرەك ايلىق الادى ەكەن. ۇلىتاۋ وبلىسى جوعارى جالاقىلى جۇمىسشىلار ۇلەسى بويىنشا كوش باستاپ تۇر. وڭىردەگى ءىرى جانە ورتا كاسىپورىنداردا ەڭبەك ەتەتىندەردىڭ جارتىسىنان استامىنىڭ قولىنا 400 مىڭ تەڭگەدەن كوپ قارجى تيەدى. ماڭعىستاۋ وبلىسى بۇل تىزىمدە ەكىنشى ورىنعا جايعاسقان. 63 مىڭ ادام ورتاشادان جوعارى جالاقى الادى. ۇزدىك ۇشتىكتى اتىراۋ وبلىسى تۇيىندەدى. كوش سوڭىنا جامبىل، جەتىسۋ جانە سولتۇستىك قازاقستان وبلىستارى جايعاسقان.
