التىن وردا ءداۋىرى مەن جوشى ۇلىسىنىڭ قالىپتاسۋىنا ارنالعان تەلەحيكايانىڭ ءتۇسىرىلىمى بەل ورتاسىنا تايادى
الماتى. KAZINFORM - التىن وردا ءداۋىرى مەن جوشى ۇلىسىنىڭ قالىپتاسۋىنا ارنالعان اۋقىمدى دەرەكتى-درامالىق «The Golden Empire» تەلەحيكاياسىنىڭ ءتۇسىرىلىمى تەڭ جارتىسىنا جەتتى. جوبا حالىقارالىق Karga Seven Pictures كينوكومپانياسىنىڭ باستاماسىمەن جانە «دارا» پرەزيدەنتتىك باستامالار قورىنىڭ قولداۋىمەن جۇزەگە اسىپ وتىر.
جوسپارلانعان ون ءبىر اپتانىڭ بەسەۋى اياقتالدى. بۇگىندە ءتۇسىرىلىم توبى الماتى وبلىسىندا تەلەحيكايانىڭ نەگىزگى كورىنىستەرىن، سونىڭ ىشىندە پيروتەحنيكا، كاسكادەرلىك تريۋكتەر مەن جانۋارلار قاتىساتىن كەڭ اۋقىمدى شايقاس ەپيزودتارىن ءتۇسىرىپ جاتىر.
ءتۇسىرىلىم الاڭىندا 400 دەن استام مامان: رەجيسسەرلەر، وپەراتورلار، سۋرەتشىلەر، تەحنيكالىق قىزمەتكەرلەر جانە اكتەرلەر جۇمىس ىستەۋدە. تۇسىرىلىمگە 80 اكتەر مەن Nomad Stunts كومانداسىنىڭ 20 كاسىبي كاسكادەرى قاتىسىپ جاتىر.
ءتۇسىرىلىم توبىمەن قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين كەزدەستى. ول ورناتىلعان دەكوراتسيالارمەن تانىسىپ، كورىنىستەردى دايىنداۋ بارىسىن باقىلاپ، شىعارماشىلىق جانە ۇيىمداستىرۋشىلىق ماسەلەلەردى كوماندامەن تالقىلادى. كەزدەسۋگە جوبانىڭ پروديۋسەرى فيكرەت مانوگلۋ مەن جوبانىڭ رەجيسسەرى ەمرە ساحين دە قاتىستى.
ءتۇسىرىلىم اياقتالعاننان كەيىن جوبا مونتاج جانە پوستپروداكشن كەزەڭىنە وتەدى، وندا بەينە جانە دىبىس ەلەمەنتتەرى تۇتاس كينەماتوگرافيالىق تۋىندىعا بىرىكتىرىلەدى.
ەسكە سالا كەتەيىك، بۇعان دەيىن الماتىدا جوشى تۋرالى فيلمنىڭ پرەمەراسى بولعانىن جازعان ەدىك.
