پالەستينالىقتاردى ەسكە الۋ شاراسىنان كەيىن يزرايل فۋتبول كلۋبى ماتچقا شىقپاي قويدى

يزرايل فۋتبولشىلارى تۇركياداعى چەمپيوناتتا ماتچقا شىقپاي قويدى. شابۋىلشى ساگيۆ ەحەزكەل مەن جارتىلاي قورعاۋشى رامزي سافۋري «انتالياسپوردىڭ» «گازيانتەپكە» (0:1) قارسى ويىنىنا شىعۋدان باس تارتتى.

وعان سەبەپ - يزرايلمەن شيەلەنىس سالدارىنان كوز جۇمعان پالەستينا تۇرعىندارىن ەسكە الۋ ءۇشىن ءبىر مينۋت ۇنسىزدىكتىڭ جاريالانۋى.

وسىعان وراي يزرايلدىك فۋتبولشىلار بىرلەسكەن مالىمدەمە دە جاساعان.

«سونداي-اق بىزگە ەرتەڭگى ويىن بارىسىندا يزرايل مەملەكەتىن ايىپتاۋعا باعىتتالعان شارا وتەتىنى تۋرالى اقپارات جەتتى. ەل قۇراماسىنىڭ فۋتبولشىسى ءرولىن اسقاق تۇتاتىن ادامدار رەتىندە وعان قاتىسۋعا، ءتىپتى ستاديوندا بولۋعا نيەتىمىز جوق. ءبىز كلۋب باسشىلىعىنا ءوز ويىمىزدى جەتكىزدىك جانە ولار قولداۋ ءبىلدىرىپ وتىر.

مۇندا ءبىزدى جىلى قابىلداپ جاتىر جانە الداعى جاقسى كۇندەرى جاڭا كوپىر تۇرعىزاتىن جاندار قاتارىنان تابىلاتىن بولامىز»، - دەلىنگەن مالىمدەمەدە.

ەسكە سالايىق، 7-قازاندا پالەستيناداعى حاماس توبى يزرايلگە شابۋىل جاساپ، ەلدەر سوعىس جاعدايىنا كوشتى.

قاقتىعىس ۋشىعا باستاعاننان بەرى 4100 پالەستينالىق جانە 1400 يزرايلدىك كوز جۇمدى.

اۆتور

ميرا تولەندى قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى