پالەستينا باسشىسى گازا سەكتورىنا بارۋدى جوسپارلاپ وتىر

بۇل تۋرالى ول بەيسەنبى، 15-تامىزدا تۇركيا پارلامەنتىنىڭ كەزەكتەن تىس وتىرىسىندا سويلەگەن سوزىندە مالىمدەدى، دەپ جازادى DW.

- بىزدە باسقا امال قالعان جوق، مەن جانە پالەستينا بيلىگىنىڭ بارلىق مۇشەلەرى گازاعا بارۋعا شەشىم قابىلدادىق جانە ءبىز ونى ورىندايمىز. ءبىزدىڭ ءومىرىمىز گازا سەكتورىنداعى بىردە-ءبىر بالانىڭ ومىرىنەن ارتىق ەمەس، - دەدى ابباس.

88 جاستاعى پالەستينا باسشىسى 45 مينۋتتىق سوزىندە تۇركيا مەن تۇرىك حالقىنا پالەستينا قۇقىقتارىن قولداعانى جانە گۋمانيتارلىق كومەك كورسەتكەنى ءۇشىن العىس ايتىپ، يزرايلدى گازا سەكتورىنداعى «گەنوتسيد» دەپ ايىپتادى. ول پالەستينا حالقىنىڭ ءوز جەرلەرى ءۇشىن كۇرەسىندەگى تاباندىلىعىنا توقتالدى.

- پالەستينالىقتار ءوز قۇقىقتارىن قورعاۋدى جالعاستىرادى جانە ءوز جەرلەرىن تاستامايدى، - دەدى ول.

ابباس انكاراعا 14-تامىزدا ماسكەۋ ساپارىنان كەيىن ەرتەڭىنە باردى. پالەستينا باسشىسى 13-تامىزدا رەسەي پرەزيدەنتى ۆلاديمير پۋتينمەن كەلىسسوزدەر كەزىندە حالىقارالىق قاۋىمداستىقتى پالەستينا ماسەلەسى بويىنشا بەيبىت كونفەرەنسيا وتكىزۋگە شاقىردى. ونىڭ پىكىرىنشە، بۇل پالەستينالىقتار حالىقارالىق قوعامداستىقتىڭ «ەكى حالىق ءۇشىن ەكى مەملەكەت» قاعيداتىن جۇزەگە اسىرۋ مۇمكىندىگىنە شىنداپ قارايتىندىعىنا ءۇمىت ارتۋى كەرەك.

ايتا كەتەيىك، گازادا قازا تاپقان پالەستينالىقتاردىڭ سانى 40 مىڭنان استى.

اۆتور

جاراسقان نۇرىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى