الەۋمەتتىك قوردان قازاقستاندىقتارعا 50 مىڭ تەڭگە تولەنەتىنى راس پا؟
استانا. KAZINFORM – ق ر ەڭبەك جانە حالىقتى الەۋمەتتىك قورعاۋ مينيسترىلىگى الەۋمەتتىك قوردان قازاقستاندىقتارعا 50 مىڭ تەڭگە تولەنەتىنى تۋرالى اقپاراتتى جوققا شىعاردى.
الەۋمەتتىك جەلىلەر مەن مەسسەندجەرلەردە 1949-1998-جىلدار ارالىعىندا تۋعان قازاقستان ازاماتتارىنا وسى جىلدىڭ 26-ماۋسىمىنان باستاپ بەلگىسىز الەۋمەتتىك قوردان 50000 تەڭگە اۋدارىلاتىنى تۋرالى اقپارات تارالۋدا. قاراجاتتى اۋدارۋ ءۇشىن بەلگىسىز ادامدار سىلتەمەگە ءوتۋدى ۇسىنادى.
«الەۋمەتتىك كومەكتىڭ مۇنداي ءتۇرى جوق ەكەنىن حابارلايمىز. تيىسىنشە، حابارلامادا كورسەتىلگەن سىلتەمە الاياقتار ءۇشىن ازاماتتاردىڭ جەكە دەرەكتەرىن الۋ ءتاسىلى بولۋى مۇمكىن. الاياقتارمەن ءوزارا ارەكەتتەسۋدى بولدىرماۋ ءۇشىن سىلتەمەگە وتپەۋگە كەڭەس بەرەمىز»، - دەدى مينيسترلىكتە.
مەملەكەتتىك قولداۋدىڭ ءتيىستى شارالارى تۋرالى رەسمي اقپارات تەك قانا 1414 نومىرىنەن سمس- حابارلامالار ارقىلى تاراتىلادى.
ازاماتتاردان تەك رەسمي كوزدەردەگى اقپاراتتى پايدالانۋىن سۇرايمىز. جالعان اقپارات تاراتۋ زاڭمەن جازالاناتىنىن ەستەرىڭىزگە سالامىز.
