الەۋمەتتىك كوڭىل كۇي تۇراقتى: كوپشىلىك ەلدىڭ بولاشاعىنا سەنەدى

- ماۋسىم ايىنداعى زەرتتەۋ ەل دامۋىنا قاتىستى باعالاردىڭ تۇراقتى ەكەنىن كورسەتىپ وتىر. بۇل تاڭدالعان باعىتقا قاتىستى قوعامدا كونسەنسۋس ساقتالىپ، الەۋمەتتىك كوڭىل-كۇيدىڭ ورنىقتى ەكەنىن كورسەتەدى. رەسپوندەنتتەردىڭ باسىم بولىگى (79,4 پايىز) ەل دۇرىس باعىتتا دامىپ كەلە جاتىر دەپ سانايدى. پىكىرلەردىڭ وڭ سەرپىنى الەۋمەتتىك-ەكونوميكالىق جاعدايعا قاتىستى دا بايقالادى. ماۋسىم ايىندا رەسپوندەنتتەردىڭ %73,6- ى بۇل جاعدايعا وڭ باعا بەرگەن. بۇل ءۇردىس حالىقتىڭ قازىرگى احۋالدى قابىلداۋىندا تۇراقتانۋ ۇدەرىسى ءجۇرىپ جاتقانىن كورسەتەدى، - دەلىنگەن اتالعان ينستيتۋت تاراتقان اقپاراتتا.

زەرتتەۋگە قاتىسۋشىلار ساياسي جاعدايدى دا نەگىزىنەن وڭ باعالايدى. رەسپوندەنتتەردىڭ 76,2 پايىزى قازىرگى جاعدايعا قاناعاتتاناتىندارىن بىلدىرگەن.

قوعام تاراپىنان بەرىلگەن جوعارى وڭ باعا كوبىنە ساياسي، الەۋمەتتىك-ەكونوميكالىق جانە پسيحولوگيالىق فاكتورلاردىڭ جيىنتىعىنا بايلانىستى. ولاردىڭ قاتارىندا ج ءى ءو- ءنىڭ 6 پايىزعا ءوسۋى، جاڭا ينفراقۇرىلىمدىق جانە الەۋمەتتىك نىسانداردىڭ سالىنۋى مەن ىسكە قوسىلۋى، ت ك ش جانە كولىك ينفراقۇرىلىمىن جوندەۋ مەن جاڭعىرتۋ جۇمىستارى بار.

الەۋمەتتىك زەرتتەۋ 2025 -جىلى 18 -ماۋسىم مەن 4 -شىلدە ارالىعىندا جۇرگىزىلدى. وعان 18 جاستان اسقان 2000 ازامات قاتىستى. ساۋالناما ۇلتتىق رەپرەزەنتاتيۆتى ىرىكتەمە بويىنشا جۇرگىزىلدى. ىرىكتەمەنىڭ قاتەلىك مولشەرى ±2,2 پايىزدان اسپايدى.

ايتا كەتەلىك قازاقستاننىڭ ستراتەگيالىق زەرتتەۋلەر ينستيتۋتى جۇرگىزگەن ساۋالناما ناتيجەسىنە سايكەس، ازاماتتاردىڭ 73,3 پايىزى ەلىمىز دۇرىس باعىتتا دامىپ كەلەدى دەپ ەسەپتەيدى.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى