الەۋمەتتىك جەلىدە تەرروريزمدى ناسيحاتتاعان اباي وبلىسىنىڭ تۇرعىنى ۇستالدى
استانا. KAZINFORM - بيىل 28- قاڭتاردا ۇلتتىق قاۋىپسىزدىك كوميتەتى پروكۋراتۋرا مەن ىشكى ىستەر ورگاندارىنىڭ كومەگىمەن اباي وبلىسىنىڭ تۇرعىنىن ۇستادى.
- ول تەرروريزمدى، سونىڭ ىشىندە الەۋمەتتىك جەلىلەر ارقىلى ناسيحاتتادى دەپ كۇدىكتەلىپ وتىر، - دەلىنگەن ۇ ق ك باسپا ءسوز قىزمەتى حابارلاماسىندا.
تەرگەۋ ارەكەتتەرى بارىسىندا زاتتاي دالەلدەمەلەر تاركىلەندى.
قىلمىستىق كودەكستىڭ 256-بابىنىڭ 2-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
قىلمىستىق- پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.
