الەۋمەتتىك جەلىدە كۇنىنە ءبىر ساعاتتان ارتىق وتىرماڭىزدار - باعدات مۋسين
سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين Jibek Joly ارناسىنا بەرگەن سۇحباتىندا قازاقستاندىقتارعا الەۋمەتتىك جەلىدە ءبىر ساعاتتان ارتىق وتىرماۋعا كەڭەس بەردى، دەپ حابارلايدى Kazinform.
«مەن ءوزىمدى قاتاڭ باقىلاۋدا ۇستايمىن. ويتكەنى ينتەرنەتتە كوپ ۋاقىت وتكىزۋ - سەنىڭ شىنايى ومىرىڭدەگى ۋاقىتتى جەپ قويادى. سوندىقتان ادامدارعا جۇمىستا دا، ۇيدە دە ينتەرنەت قولدانۋدى ۇيرەتۋ كەرەك. جالپى گيگيەنا بولۋى كەرەك. جۇمىسىندا وتىرىپ الەۋمەتتىك جەلىگە ۋاقىتىن قۇرتاتىن ادامدار قازىر كوپ»، - دەدى مينيستر.
ۆەدومستۆو باسشىسى Jibek Joly ءەفيرىن پايدالانىپ، قازاقستاندىقتارعا قايىرىلدى.
«ەفيردى پايدالانىپ بارشاعا ءوز پىكىرىمدى ايتا كەتەيىن. مەنىڭ پىكىرىم - ادامنىڭ الەۋمەتتىك جەلىگە جۇمسايتىن ۋاقىتى ءبىر ساعاتتان اسپاۋى كەرەك. ءبىر كۇندە 24 ساعات بولسا، ونىڭ 8 ساعاتى جۇمىستا وتەدى. ءوزىڭ ارنايتىن قالعان بوس 4 ساعاتتىڭ ءبارىن ينتەرنەتكە قۇرتپاۋ كەرەك. جۇمىسقا بايلانىستى بولسا دا، جۇمىسقا قاتىسى بولماسا دا، كۇنىنە ءبىر ساعاتتان ارتىق الەۋمەتتىك جەلىدە وتىرۋ ەشقانداي پايدا بەرمەيدى»، - دەدى باعدات مۋسين.
