الەمنىڭ 20 ەلىندە كوروناۆيرۋس ينفەكسياسى ءورشىپ كەلەدى
ق ر دەنساۋلىق ساقتاۋ ءمينيسترى اجار عينيات ەلدەگى ەپيدەميولوگيالىق جاعدايدى بايانداپ، كوروناۆيرۋس شەكتەۋلەرى قايتا ورناي ما دەگەن سۇراققا جاۋاپ بەردى، دەپ حابارلايدى قازاقپارات.
«ەلىمىزدە كوروناۆيرۋس بويىنشا ەپيدەميولوگيالىق جاعداي تۇراقتى. قازىر جيىرمادان استام ەل كوروناۆيرۋس ينفەكتسياسىنىڭ ءورشىپ كەلە جاتقانىن ايتۋدا. ال بىزدە وتكەن جىلمەن سالىستىرعاندا كەرىسىنشە 30 ەسەگە جۋىق تومەندەۋ بار ەكەنىن كورىپ وتىرمىز. سوندىقتان ءبىز مۇنى باقىلاۋدا ۇستايمىز»، - دەدى دەنساۋلىق ساقتاۋ ءمينيسترى ۇكىمەتتە وتكەن باسپا ءسوز ءماسليحاتىندا.
ءمينيستردىڭ ايتۋىنشا، قازىر دە شاعىمدارمەن كەلىپ، اۋرۋحانادا ەمدەلىپ جاتقان ناۋقاستار بار. ينفەكسيالىق ستاسيونارلار نەبارى % 2 تولعان.
«تۇتاس ەل بويىنشا 200 مىڭنان استام دوزا (Cinofarm, Pfaizer Commirnaty) ۆاكسينا بار، كەز كەلگەن ادام ۆاكسينا الا الادى. ەپيدەميولوگيالىق جاعداي جاقسى بولعاندىقتان، ەش شەكتەۋ شارالارى بولمايدى»، - دەدى اجار عينيات.
