الەمدىك ب ا ق- تاعى قازاقستان: يتاليامەن سەرىكتەستىك، ە و مەن ورتالىق ازيانىڭ ىنتىماقتاستىعى
بۇل اپتادا شەتەلدىك بۇقارالىق اقپارات قۇرالدارى مەملەكەت باسشىسى قاسىم-جومارت توقايەۆتىڭ ەۋروپاعا ساپارى جانە الەم ەلدەرىنىڭ ورتالىق ازيامەن قارىم-قاتىناسى تۋرالى جازعان.
بۇدان بولەك گەرمانياعا تاسىمالداناتىن مۇنايدىڭ ارتقانىن جاريالاعان. تولىعىراق Kazinform ساراپشىسىنىڭ شولۋىنان وقىڭىز.
ilsole24ore: يتاليا قازاقستانمەن ساۋدادا رەسەي مەن قىتايدان كەيىنگى ءۇشىنشى ورىندا
يتاليا دۇنيە جۇزىندەگى نەگىزگى شيكىزات وندىرۋشىلەردىڭ ءبىرى قازاقستانعا بارعان سايىن ەرەكشە نازار اۋدارىپ كەلەدى. فارنەزەدە ازيا رەسپۋبليكاسىنىڭ پرەزيدەنتى قاسىم-جومارت توقايەۆتىڭ قاتىسۋىمەن وتكەن ەكى ەل اراسىنداعى ينۆەستيتسيالار بويىنشا دوڭگەلەك ۇستەلگە 100 دەن استام كومپانيا مەن قاۋىمداستىق قاتىستى... بۇل 16 مەموراندۋمعا قول قويۋعا مۇمكىندىك بەردى، - دەپ جازدى يتاليالىق باسىلىم مەملەكەت باسشىسىنىڭ ەۋروپاعا ساپارىنان حابار تاراتىپ.
فارنەزە سامميتى الدىندا قاسىم-جومارت توقايەۆ رەسپۋبليكا پرەزيدەنتى سەردجو ماتتارەللامەن جانە پرەمەر- مينيستر دجوردجا مەلونيمەن كەزدەستى. 19- قاڭتاردا ونى ريم پاپاسى فرانتسيسك قابىلدايدى. ساپار سوڭىندا قازاقستان پرەزيدەنتى ازىق-تۇلىك جانە اۋىل شارۋاشىلىعى ۇيىمىنىڭ (ف ا و) جانە ب ۇ ۇ- نىڭ دۇنيەجۇزىلىك ازىق-تۇلىك باعدارلاماسىنىڭ (WFP) شتاب-پاتەرىنە بارادى، - دەپ جازدى باسىلىم 18- قاڭتاردا.
ايتا كەتەيىك، 18-19- قاڭتاردا قاسىم-جومارت توقايەۆ يتاليا جانە ۆاتيكان مەملەكەتتەرىنە رەسمي ساپارمەن باردى.
NovaNews: قازاقستان پرەزيدەنتى توقايەۆ ريمدە يتاليا مەن ورتالىق ازيا اراسىنداعى قارىم-قاتىناستىڭ قارقىندى دامۋىنا جاردەمدەسەدى
بۇل - توقايەۆتىڭ 2019-جىلى قازاقستان پرەزيدەنتى لاۋازىمىنا كىرىسكەننەن بەرى يتالياعا ءبىرىنشى ساپارى... دەگەنمەن، سوڭعى جىلدارى ريم ءوزىنىڭ تابيعي رەسۋرستارىنا (تەك كومىرسۋتەگى شيكىزاتى عانا ەمەس)، گەوگرافيالىق ورنالاسۋىنا (ەۋروپا مەن قيىر شىعىس اراسىنداعى ساۋدا جولدارىنىڭ ورتالىعىندا) بايلانىستى ورتالىق ازيا ايماعىنا الدەقايدا مۇقيات قاراي باستاعان سياقتى... - دەپ جازدى تاعى ءبىر يتاليالىق باسىلىم.
Euractiv: بريۋسسەلدەگى كولىك فورۋمىنا دايىندىق اياسىندا سحيناس ورتالىق ازيانى ارالادى
ەۋروپالىق كوميسسيانىڭ ۆيتسە-پرەزيدەنتى مارگاريتيس سحيناس 29-30- قاڭتاردا بريۋسسەلدە وتەتىن ە و- ورتالىق ازيا كولىك ينفراقۇرىلىمى ينۆەستورلارىنىڭ فورۋمى قارساڭىندا ورتالىق ازيانىڭ بەس ەلىنە ساپارىن اياقتادى. سحيناس ء«بىزدىڭ ەۋروپالىق ءومىر سالتىن العا جىلجىتۋ» پورتفوليوسىمەن ساپارىن بەستىكتەگى ەڭ ۇلكەن ەل ءارى ە و- مەن قارىم-قاتىناستى دامىتۋداعى الدەقايدا العا باسىپ كەتكەن مەملەكەت قازاقستاننان باستادى. بۇل تۋرالى euractiv اگەنتتىگى حابارلادى.
بريۋسسەل فورۋمى ترانسكاسپيي كولىك ءدالىزىن 15 نەمەسە ودان از كۇن ىشىندە ەۋروپا مەن ورتالىق ازيانى بايلانىستىراتىن مۋلتيمودالدى، زاماناۋي، باسەكەگە قابىلەتتى، تۇراقتى جانە جىلدام باعىتقا اينالدىرۋدىڭ ۇزاق مەرزىمدى ماقساتىنا ۇلەس قوسۋدى كوزدەيدى.
سحيناس قازاقستان سەناتىنىڭ ءتوراعاسى ماۋلەن اشىمبايەۆپەن كەزدەسىپ، ونىمەن ساۋدا-ەكونوميكالىق جانە ينۆەستيتسيالىق ىنتىماقتاستىق، ونىڭ ىشىندە ترانسكاسپيي حالىقارالىق كولىك باعىتىن دامىتۋ ماسەلەلەرىن تالقىلادى. اشىمبايەۆ ەۋرووداق قازاقستاننىڭ ستراتەگيالىق ارىپتەسى ەكەنىنە توقتالىپ، ەل ەكىجاقتى بايلانىستاردى نىعايتۋعا بەيىلدى دەپ ايتتى. سحيناس سونداي-اق قارىم-قاتىناستاردى نىعايتۋعا قىزىعۋشىلىق تانىتىپ، قازاقستاننىڭ رەفورمالار باعىتىن جوعارى باعالادى. ول سونداي-اق ق ر پرەمەر-ءمينيسترى ءاليحان سمايىلوۆپەن كەزدەستى، - دەپ جازدى باسىلىم Astana Times گازەتىنە سىلتەمە جاساپ.
euractiv: قازاقستان مەن ەو مىقتى ارىپتەستىك ءۇشىن جاڭا مۇمكىندىكتەردى ىزدەۋى كەرەك
ق ر پارلامەنتى ءماجىلىسىنىڭ دەپۋتاتى ايدوس سارىم ەۋروپارلامەنتتىڭ جۋىردا قابىلداعان «ە و- نىڭ ورتالىق ازياداعى ستراتەگياسى: كۇشتى سەرىكتەستىكتىڭ جاڭا مۇمكىندىكتەرى» رەزوليۋتسياسىنا تالداۋ جاسادى. قازاقستاندىق دەپۋتاتتىڭ پىكىرىن Euractiv Media باسىلىمى اۆتوردىڭ باعانىندا جاريالادى.
17- قاڭتاردا ەۋروپارلامەنت (ە پ) «ە و- نىڭ ورتالىق ازياعا ارنالعان ستراتەگياسى: كۇشتى سەرىكتەستىك ءۇشىن جاڭا مۇمكىندىكتەر» رەزوليۋتسياسىن قابىلداۋعا داۋىس بەردى. ەۋروپارلامەنتتىڭ جوسپارلى قۇجاتى بولىپ سانالاتىن قارار ەۋروپارلامەنت دەپۋتاتتارىنىڭ ە و- نىڭ ورتالىق ازياعا ارنالعان جاڭا ستراتەگياسىن جۇزەگە اسىرۋعا بەرگەن باعاسىن كورسەتەدى.
مەنىڭ ويىمشا، ەۋروپارلامەنتتىڭ «ورتالىق ازيا 2024» رەزوليۋتسياسى وتكەن جىلدارداعى ۇقساس قۇجاتتاردان رەڭكىمەن ەرەكشەلەنەدى. بۇل قۇجات ورتالىق ازيانىڭ قازىرگى حالىقارالىق جانە ايماقتىق قاتىناستاردىڭ جەكەلەگەن ماسەلەلەرى بويىنشا تاۋەلسىز ۇستانىمدارى جانە ساۋدا، ينۆەستيتسيا، بيزنەس جانە يننوۆاتسيالار سالالارىنداعى ءبىرىڭعاي وڭىرلىك مۇمكىندىكتەرى بار ءوزىنىڭ ايماقتىق بىرەگەيلىگىن ءساتتى دامىتقان ايماق رەتىندە العاش رەت تانىلۋىن بىلدىرەدى، - دەپ پىكىر بىلدىرگەن ايدوس سارىم.
caspiannews: قازاقستان 2023-جىلى گەرمانياعا ميلليون توننا مۇناي جەتكىزدى
دۇنيە جۇزىندەگى ەڭ ۇزىن مۇناي قۇبىرلارىنىڭ ءبىرى سانالاتىن «دوستىق» قۇبىرى قازاقستاندى ەۋروپالىق مۇناي نارىعىنداعى نەگىزگى ويىنشىعا اينالدىرۋدا ماڭىزدى ءرول اتقاردى. قازاقستانداعى ماگيسترالدىق مۇناي قۇبىرىنىڭ وپەراتورى «قازترانسويل» 2023-جىلى گەرمانياعا ميلليون تونناعا جۋىق مۇناي جەتكىزدى. بۇل تۋرالى caspiannews باسىلىمى حابارلادى.
2023-جىلدىڭ قاڭتار-جەلتوقسان ايلارىندا قازاقستاندىق مۇنايدى «ترانسمۇناي» جاق ماگيسترالدىق مۇناي قۇبىرى جۇيەسى ارقىلى گەرمانياعا ودان ءارى جەتكىزۋ ءۇشىن ادام قاقپاسى مۇناي جەتكىزۋ پۋنكتى باعىتى بويىنشا تاسىمالداۋ كولەمى 993 مىڭ توننانى قۇرادى، - دەپ جازدى باسىلىم ينتەرفاكس اگەنتتىگىنە سىلتەمە جاساپ.
ەنەرگەتيكا مينيسترلىگى بەكىتكەن كەستەگە سايكەس، «قازترانسويل» 2024-جىلدىڭ قاڭتارىندا گەرمانياعا ودان ءارى جەتكىزۋ ءۇشىن تاعى 100 مىڭ توننا مۇناي تاسىمالداۋعا دايىندالىپ جاتىر. كومپانيانىڭ 2024-جىلى گەرمانياعا 1,2 ميلليون تونناعا دەيىن قازاقستاندىق مۇنايدى جونەلتۋ جونىندەگى اۋقىمدى جوسپارى بار.
The Voice of America: ا ق ش- تىڭ قازاقستانداعى ەلشىسى ا ق ش- تىڭ ورتالىق ازياداعى ىنتىماقتاستىعى تۋرالى ايتتى
ا ق ش- تىڭ ورتالىق ازياداعى ستراتەگيالىق مۇددەلەرى تۇراقتىلىق پەن ەگەمەندىككە بايلانىستى. ا ق ش- تىڭ قازاقستانداعى ەلشىسى دەنيەل روزەنبليۋمنىڭ بۇل مالىمدەمەسىن The Voice of America اقپارات اگەنتتىگى جاريالادى.
ا ق ش- تىڭ قازاقستانداعى ەلشىسى دەنيەل روزەنبليۋم 4- قاڭتاردا كاسپي ساياسات ورتالىعىنىڭ وتىرىسىندا ا ق ش- تىڭ ورتالىق ازياداعى ساياساتىنىڭ باستى ماقساتى قازاقستان، قىرعىزستان، تاجىكستان، تۇرىكمەنستان جانە وزبەكستاننىڭ ء«وز بەتىنشە بولۋىن، تولىق ەگەمەندىك پەن تاۋەلسىزدىك الۋىن قامتاماسىز ەتۋ» دەپ مالىمدەدى. تاۋەلسىز ەلدەر كىممەن ىنتىماقتاسۋ، كىممەن ساۋدا جاساۋ، كىممەن قارىم-قاتىناستا بولۋ - ارتىق سىرتقى قىسىمسىز ءوز تاڭداۋىن جاساي الادى، - دەپ جازدى The Voice of America.
اگەنتتىكتىڭ مالىمەتىنشە، ۆاشينگتوننىڭ ەكىنشى باسىمدىعى، ەلشىنىڭ ايتۋىنشا، شەكارا قاۋىپسىزدىگى جانە تەرروريزممەن كۇرەس، ءۇشىنشىسى ساۋدا مەن ينۆەستيتسيانى ىنتالاندىرۋ، ءتورتىنشىسى - ادام قۇقىعى مەن زاڭ ۇستەمدىگىن قامتاماسىز ەتۋ.
