الەمدەگى ەڭ ۇسقىنسىز ءيت گولليۆۋدتا تۇسىرىلگەن كينونىڭ باستى رولىندە وينادى
استانا. KAZINFORM - «الەمدەگى ەڭ ۇسقىنسىز ءيت-2023» بايقاۋىنىڭ جەڭىمپازى اتانعان ءيت گولليۆۋدتىڭ ايگىلى جۇلدىزدارى رايان رەينولدس جانە حيۋ دجەكمانمەن بىرگە فيلمگە تۇسكەن. بۇل تۋرالى Super سايتى حابارلادى.
وندا 2023 -جىلى پەگگي ەسىمدى ءيت «ەڭ ۇسقىنسىز ءيت» نوميناتسياسىن جەڭىپ العانى جازىلعان. سودان كەيىن ۇلى بريتانيادا تانىمال بولعان پەگگي گولليۆۋدتىڭ دا نازارىنا ىلىگىپ، كەيىن جىلدىڭ ەڭ تانىمال فيلمىنە تۇسكەن.
اتاپ ايتقاندا، «دەدپۋل مەن روسوماحا» فيلمىندە ول باستى كەيىپكەردىڭ ءيتى دوگپۋلدىڭ ءرولىن سومدادى.
پەگگيدىڭ يەسى جۋرناليستەرگە ءوز ءيتىن ماقتان تۇتاتىنىن ايتتى.
- ماعان ۇنادى. فيلم بويى پەگگي وتە ەركىن بولدى، مۇمكىن ول رايان رەينولدستىڭ قۇشاعىندا ءوزىن جايلى سەزىنگەن شىعار. ولار مەنىڭ يتىمە وتە جاقسى قارادى. مەن ءار سەكۋندتان ءلاززات الدىم، - دەيدى ول.
اۆتور
جاراسقان نۇرىبايەۆ
