الەمدەگى حالقى ەڭ كوپ قالا انىقتالدى

ب ۇ ۇ ەكونوميكالىق جانە الەۋمەتتىك ماسەلەلەر دەپارتامەنتىنىڭ حالىق سانىن زەرتتەۋ ءبولىمى جاريالاعان «2025-جىلعا دەيىنگى الەمدىك ۋربانيزاتسيا پەرسپەكتيۆالارى» ەسەبىنە سايكەس، يندونەزيالىق مەگاپوليستە 42 ميلليون ادام تۇرادى.

ەكىنشى ورىندا - بانگلادەش استاناسى داككا، وندا 37 ميلليون حالىق بار. ال بۇرىن كوش باستاپ تۇرعان توكيو قازىر 33 ميلليون تۇرعىنىمەن ءۇشىنشى ورىنعا ءتۇستى.

2018-جىلعى ب ۇ ۇ بايانداماسىندا جاپونيا استاناسى 37 ميلليون حالقى بار الەمنىڭ ەڭ ءىرى قالاسى رەتىندە كورسەتىلگەن ەدى.

ەسەپتە 1950-جىلى الەم حالقىنىڭ نەبارى 20 پايىزى عانا قالالاردا تۇرعانى، ال بۇگىندە بۇل كورسەتكىش شامامەن %50 عا جەتكەنى اتالىپ وتەدى.

بولجام بويىنشا، 2050-جىلعا قاراي جاھاندىق حالىق ءوسىمىنىڭ ەكىدەن ءبىرى قالالارعا تيەسىلى بولادى، ال قالعان ءوسىمنىڭ باسىم بولىگى قالاعا جاقىن ورنالاسقان شاعىن ەلدى مەكەندەردە تىركەلمەك.

حالقى 10 ميلليوننان اساتىن مەگاپوليستەر سانى 1975-جىلعى 8 قالادان 2025-جىلى 33 قالاعا دەيىن ءتورت ەسەگە وسكەن.

الەمدەگى ەڭ كوپ حالىق شوعىرلانعان 10 قالانىڭ 9 ى - دجاكارتا، داككا، توكيو، نيۋ-دەلي، شاڭحاي، گۋانجوۋ، كاير، مانيلا، كالكۋتتا جانە سەۋل - ازيادا ورنالاسقان.

ۋرباندالۋ - ءبىزدىڭ زامانىمىزدى ايقىندايتىن ەڭ باستى كۇشتەردىڭ ءبىرى. ەگەر ونى كەشەندى ءارى ستراتەگيالىق تۇرعىدا باسقارساق، ول كليماتتىڭ وزگەرۋىمەن كۇرەسكە، ەكونوميكالىق وسىمگە جانە الەۋمەتتىك ادىلدىككە جاڭا مۇمكىندىكتەر اشا الادى، - دەلىنگەن باياندامادان كەلتىرىلگەن ب ۇ ۇ باس حاتشىسىنىڭ ەكونوميكالىق جانە الەۋمەتتىك ماسەلەلەر جونىندەگى ورىنباسارى لي جيۋنحيانىڭ سوزىندە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى