الەمدەگى ءتىسى كوپ ايەل ءۇندىستاندا تۇرادى

Kazinform بۇل تۋرالى تاسس اقپارات اگەنتتىگىنە سىلتەمە جاساپ حابارلايدى.

Hindustan Times باسىلىمىنىڭ جازۋىنشا، الەمدىك رەكوردتى 26 جاستاعى ۇندىلىك كالپانا بالان ورناتقان. ونىڭ 38 ءتىسى بار. ياعني وزگە ادامدارعا قاراعاندا التى ءتىسى ارتىق. اۋىزىنىڭ تومەنگى جاعىندا 4، جوعارى جاعىندا قوسىمشا 2 ءتىس وسكەن.

ارتىق ءتىستىڭ وسكەنىن ول بويجەتكەن كەزىندە بايقاعان. وسى جاعداي كالپانا ءۇشىن ىڭعايسىزدىق تۋدىرماسا دا، اتا-اناسى وعان ءتىس دارىگەرىنە بارىپ، قوسىمشا تىستەردى جۇلدىرۋ تۋرالى كەڭەس ايتقان. الايدا بۇل ارەكەتتەن قورىققان ول تىستەرىن ساقتاپ قالۋدى دۇرىس دەپ ساناعان.

«الەمدىك گيننەسس رەكوردى» اتاعىن العانىم ءۇشىن باقىتتىمىن. بۇل - ومىرىمدەگى باستى جەتىستىك»، - دەيدى كالپانا.

ەر ادامدار اراسىندا مۇنداي رەكورد كانادا تۇرعىنى ەۆانو مەللونەگە تيەسىلى. ونىڭ 41 ءتىسى بار.

مەديتسينادا ارتىق تىستەردىڭ بولۋىن گيپەردەنتيا نەمەسە پوليودونتيا دەپ اتايدى. ستاتيستيكاعا سايكەس، الەمدە ادامداردىڭ 3,8 پايىزىندا ءبىر نەمەسە بىرنەشە ارتىق ءتىس بار. گيپەردەنتيا تىستەردىڭ قالىپتاسۋ پروتسەسىنىڭ بۇزىلۋى دەپ سانالادى، ءبىراق ونىڭ ناقتى سەبەبى بەلگىسىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى