الەمدە تىرىسقاق اۋرۋىنا شالدىققاندار سانى ارتتى
استانا. KAZINFORM - مامىر ايىندا تىرىسقاق اۋرۋىنىڭ جاھاندىق دەڭگەيى %58 عا ءوستى. بۇل تۋرالى دۇنيەجۇزىلىك دەنساۋلىق ساقتاۋ ۇيىمى حابارلادى.
ۇيىمنىڭ مالىمەتىنشە، مامىر ايىندا 19 ەلدە تىرىسقاققا شالدىققان 46424 ادام تىركەلگەن. ساۋىرمەن سالىستىرعاندا مامىردا اۋرۋ %58 عا ارتىپ وتىر.
ساراپشىلار، اسىرەسە، شىعىس جەرورتا تەڭىزىندە اۋرۋشاڭدىقتىڭ جوعارى ەكەنىن ءتۇسىندىردى. اۋعانستاندا اۋرۋدىڭ 13 مىڭنان استام، پاكىستاندا 13 مىڭنان استام جاڭا وشاعى تىركەلگەن. 2023-جىلدىڭ قاڭتارىندا د د ۇ تىرىسقاقپەن بايلانىستى جاھاندىق جاعدايدى «ءۇشىنشى ساناتتاعى توتەنشە جاعداي» دەپ سيپاتتاعان ەدى.
تىرىسقاق - قاۋىپتى جۇقپالى اۋرۋ. قوزدىرعىش ادام اعزاسىنا لاستانعان تاماق نەمەسە سۋ ارقىلى ەنەتىنىن اتاپ وتكەن ءجون.
ەستەرىڭىزگە سالساق، بيىل ساۋىردە قازاقستاندا تىركەلگەن تىرىسقاق اۋرۋىنىڭ وشاعى جويىلعانىن جازعان ەدىك.
