الەمدە التىن قىمباتتادى
استانا. قازاقپارات - اسىل تاستىڭ قۇنى %1,6- كە ءوسىپ، ءبىر ۋنسياسى 2905 دوللارعا باعالانعان.
«بۇعان ا ق ش پرەزيدەنتى دونالد ترامپتىڭ ساۋدا-ساتتىق بويىنشا جاڭا تاريفتەر ەنگىزەمىن دەپ جار سالۋى سەبەپ» - دەيدى ساراپشىلار.
اق ءۇي باسشىسى 2 كۇن بۇرىن بارلىق بولات جانە اليۋميني يمپورتىنا قوسىمشا %25 باج سالىعىن ەنگىزۋ جوسپارىن جاريالاعان بولاتىن. قازىر قويمالاردا التىن قۇيماسى كوبەيىپ جاتىر. جىل باسىنان بەرى جەتىنشى رەت ءوسىم بايقالعان. ينۆەستورلار التىندى سەنىمدى كاپيتال رەتىندە باعالاۋعا كوشتى. ويتكەنى الەمدە ساۋدا سوعىسى كۇشەيگەن سايىن ۆاليۋتالاردىڭ قۇنسىزدانۋ قاۋپى جوعارى. نارىق ستراتەگتەرى التىننىڭ ءبىر ۋنسياسى الداعى ۋاقىتتا 3500 دوللارعا دەيىن قىمباتتاۋى مۇمكىن دەپ توپشىلايدى.
