الماتىنىڭ ەكولوگيا ماسەلەسى قالاي شەشىلەدى

الماتى تۇرعىنى ەكولوگيا ماسەلەسىن كوتەردى. ول شاھار باسشىسىنان قالانىڭ ەكولوگياسىن جاقسارتۋ بويىنشا اكىمدىكتىڭ جوسپارىن سۇرادى.

- الماتىنىڭ شەشىلمەي كەلە جاتقان كەي ماسەلەلەرى 1-2 جىل ەمەس، جىلدار بويى قوردالانىپ قالدى. ول - شەكتەن تىس قۇرىلىس، جەكە كولىكتىڭ كوپتىگى، كولىك ينفراقۇرىلىمىنىڭ دۇرىس دامىماۋى. بۇل ماسەلەلەردى قالانى دامىتۋ باعدارلاماسىندا ەنگىزدىك. 2025 -جىلى «سامۇرىق ەنەرگو» كومپانياسىمەن بىرلەسىپ ج ە و-2 جاڭعىرتۋدىڭ ءبىرىنشى كەزەڭىن اياقتايمىز. كەلەسى جىلى تۇپكىلىكتى اياقتاۋ، باستى مىندەتىمىز. بۇل جاعدايدا ءبىز شىعارىندىلاردى ايتارلىقتاي ازايتامىز. گازعا كوشۋ اتموسفەراعا شىعارىلاتىن قالدىقتاردى %90 عا نەمەسە 34 مىڭ تونناعا قىسقارتۋعا مۇمكىندىك بەرەدى، - دەدى اكىم.

ەكىنشى مىندەت - كولىك ينفراقۇرىلىمى مەن قوعامدىق كولىكتى دامىتۋ.

- جىل سوڭىنا دەيىن رايىمبەك پەن جەلتوقسان بويىنداعى BRT نى اياقتايمىز، ەلەكتر اۆتوبۋستارىن جاپپاي ساتىپ الامىز، العاشقى 200 اۆتوبۋستى ساتىپ الدىق. جەكە تاسىمالداۋشىلار تاعى 200 قوعامدىق كولىك ساتىپ الادى. 2026 -جىلدىڭ سوڭىنا دەيىن ءبىزدىڭ بارلىق قوعامدىق كولىك ەكولوگيالىق تازا بولادى دەپ ەسەپتەيمىز. سونىمەن قاتار 2026-2027 -جىلدارى ۇلكەن الماتى اينالما اۆتوموبيل جولىنا دەيىنگى راديالدى جولداردىڭ اياقتالۋى قالامىزدىڭ سولتۇستىك اۋداندارىنداعى جۇكتەمەنى جەڭىلدەتەدى دەپ كۇتىلۋدە. بۇل ءبىزدىڭ الدىمىزدا تۇرعان مىندەتتەر، - دەدى قالا باسشىسى.

ەربولات دوسايەۆ ءوزى دە، بالالارى دا وزگەلەر سياقتى ءبىر اۋامەن تىنىس الاتىنىن، ەكولوگيالىق احۋالدى جاقسارتۋ باستى نازاردا ەكەنىن اتاپ ءوتتى.

- جاسىل الماتىعا باعدارلاما بويىنشا كوشەمىز. سونىمەن قاتار، جاسىل جەلەكتەر وتە ماڭىزدى. بىلتىر ءبىز اۋدانداردى اۆتوماتتى سۋارۋمەن جانە جاڭا كوشەتتەرمەن قامتاماسىز ەتتىك. بۇل - قىلقان جاپىراقتى ەمەس، جاپىراقتى اعاشتار. ەكولوگيا ماسەلەسىنە مەن دە ۋايىمدايمىن. دەنساۋلىق ساقتاۋ باسقارماسى اۋانىڭ ساپاسىنا بايلانىستى تۇرعىندار اراسىندا اللەرگيانىڭ كوبەيگەنىن ايتقان كەزدە، قاتتى الاڭدايمىن، - دەدى ول.

ەسكە سالايىق، بۇعان دەيىن الماتىدا اۋا ساپاسىن لاستايتىن باستى فاكتورلار قانداي ەكەنىن جازعانبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى