الماتىنىڭ جولى پاريجدەن جاقسى - دۇنيەجۇزىلىك جول قاۋىمداستىعىنىڭ باسشىسى
دۇنيەجۇزىلىك جول قاۋىمداستىعىنىڭ باسشىسى پاتريك ماللەجاك قازاقستانداعى ەكى كۇندىك ساپارى كەزىندە استانا مەن الماتىنىڭ جولدارىن كورىپ، ونى ەۋروپانىڭ قالالارىمەن سالىستىردى، - دەپ حابارلايدى Massaget.kz ءتىلشىسى.
«ءبىز الماتىدا بولدىق. تاۋلارداعى جولدار مەن جەر استىمەن جۇرەتىن كولىك جولدارىنىڭ ساپالى ىستەلگەنىن كوردىك جانە قالادا كولىك قوزعالىسى جاقسى رەتتەلگەن. قالانىڭ بىرنەشە كوشەسىن ارالادىم، ءبىر قاراعاندا الماتىنىڭ جولى پاريجدەن جاقسى ەكەنى بايقالادى. ارينە، الماتى مەن استانانىڭ اراسىنداعى كولىك جولىنىڭ قانداي قالىپتا ەكەنىن بىلمەيمىن. ال استانانىڭ جولى تۋرالى ايتار بولساق، پراگادان كەم ەمەس»، - دەدى ماللەجاك قازاقستاننىڭ الەمدىك جول-كولىك جۇيەسىنە كىرۋىنىڭ وزەكتى ماسەلەلەرى بويىنشا وتكەن باسپا ءسوز كونفەرەنسياسىندا.
سونداي-اق دۇنيەجۇزىلىك قاۋىمداستىق باسشىسى ۇيىم تەك كەڭەسشى ەمەس، قازاقستانمەن ماماندار ارقىلى دا تاجىريبە الماسۋعا دايىن ەكەنىن ايتتى.
پاتريك ماللەجاكتىڭ سوزىنشە، كليماتى ۇقساس مەملەكەتتەردىڭ جول قۇرىلىسى ماماندارى بىرىگىپ جۇمىس ىستەۋى كەرەك. مۇنداي تاقىرىپ الداعى ۋاقىتتا جيى تالقىلانادى.
