الماتىلىقتار قوقىستى سۇرىپتاۋعا دايىن ەمەس - دوسايەۆ

كەزدەسۋ كەزىندە شاھار باسشىسى قوقىس شىعارۋ ماسەلەسىنە توقتالدى. اكىمنىڭ ايتۋىنشا، 2023 -جىلعا دەيىن قوقىس شىعاراتىن كومپانيالاردى ەشكىم تارتىپكە شاقىرماعان.

- ولار قوقىستى ءوز قالاۋىنشا تاسىپ جۇرە بەردى. سوندىقتان ۇزاق مەرزىمدى كەلىسىمشارتتى بۇزىپ، جاڭاسىن جاساستىق، - دەدى اكىم.

سونداي-اق سۇراق-جاۋاپ سەسسيا بارىسىندا 2024 -جىلى كرانى بار 20 قوقىس تاسيتىن كولىك الىنعانى جانە بيىل تاعى 70 ءى جاڭاراتىنى ايتىلدى.

ەربولات دوسايەۆ ءوز سوزىندە قوقىس سۇرىپتاۋ ماسەلەسىنە دە توقتالىپ ءوتتى.

- الماتىلىقتار قوقىستى سۇرىپتاۋعا قانشالىقتى دايىن دەگەن سۇراق اۋادا قالقىپ تۇر. مەنىڭشە، كەشكە قالدىقتاردى ءارتۇرلى پاكەتكە ءبولىپ وتىرۋعا ەشكىم دايىن ەمەس. ءبىراق بۇل ادەتتى قالىپتاستىرۋ بويىنشا جۇمىستى جالعاستىرامىز. جيناۋ، سۇرىپتاۋ، ۋتيليزاتسيا جۇمىستارىن قاميتىن تۇتاس جۇيە جاسايمىز، - دەدى ول.

ەسكە سالايىق، بۇعان دەيىن الماتى وبلىسىندا 215 زاڭسىز قوقىس ءۇيىندىسى انىقتالعانىن جازعانبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى