الماتىلىقتار مەترو كىرەبەرىسىندەگى ۇزىن-سونار كەزەككە شاعىمداندى

بۇل جاعدايعا قالا تۇرعىندارى الەۋمەتتىك جەلىدە شاعىم ءبىلدىردى. ونداعى مالىمەتكە سايكەس، مەترو تۋرنيكەتتەرىندە QR- كود ارقىلى نە بانك كارتالارى ارقىلى جولاقىسىن تولەۋگە بولمايدى. ءبىراق بۇرىن اتالعان قىزمەتتەر قولجەتىمدى بولعان.

الماتى مەتروپوليتەنى بۇل جاعدايعا بايلانىستى تۇسىنىكتەمە بەردى.

- الماتى مەتروسىندا «وڭاي» QR-كودى ارقىلى جولاقىنى تولەۋ پيلوتتىق رەجيمدە جۇرگىزىلدى. تەستىلەۋ بارىسىندا QR- كودتاردى قابىلداۋ پروتسەسىنىڭ باياۋ جۇرەتىنى انىقتالدى، بۇل اسىرەسە قاربالاس ۋاقىتتا كەزەكتىڭ پايدا بولۋىنا سەبەپ بولدى. وسىعان بايلانىستى QR-كود ارقىلى تولەم جاساۋ فۋنكتسياسى جۇيەنىڭ تۇراقتىلىعىن ارتتىرۋ جانە تەحنيكالىق جەتىلدىرۋ جۇمىستارى اياقتالعانعا دەيىن ۋاقىتشا توقتاتىلدى، - دەپ حابارلادى مەترو اكىمشىلىگى.

ەسكە سالايىق، بۇعان دەيىن الماتى مەتروسىندا 2026 -جىلى تۋرنيكەتتەر جاڭارتىلاتىنىن جازعانبىز. بۇل جۇمىستار اياسىندا تۋرنيكەتتەر بانك كارتالارى، Apple Pay ،Google Pay جانە Samsung Pay ارقىلى تولەم قابىلداي الاتىن جاناسپايتىن تولەم جۇيەسىمەن جابدىقتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى