الماتىلىقتار ءبىر ايدا 20 مىڭنان استام كيمەيتىن كيىم وتكىزدى
الماتى. KAZINFORM - قالالىق ورتانى جاقسارتۋعا جانە قالدىقتاردى تۇراقتى وڭدەۋگە باعىتتالعان جاڭا جوبا ىسكە قوسىلدى.
«تازا قازاقستان» رەسپۋبليكالىق باعدارلاماسى جانە «الماتى - ءبىزدىڭ ورتاق ءۇيىمىز» قالالىق ناۋقانى اياسىندا جۇزەگە اسىپ جاتقان جوبا توقىما قالدىقتارىن جيناۋ، سۇرىپتاۋ جانە قايتا وڭدەۋگە باعىتتالعان.
قازىر قالادا 18 ارناۋلى كونتەينەر ورناتىلدى، جاقىندا تاعى 22- ءسى ورناتىلماق. بولاشاقتا جوبانىڭ قامتۋ اۋقىمى الماتىنىڭ باسقا اۋداندارىنا دا كەڭەيتىلەدى. قازىردىڭ وزىندە 20 مىڭ كەلىدەن استام توقىما جينالدى. ول سۇرىپتالىپ، قالا اۋماعىندا قايتا وڭدەلەدى.
- بۇل ماتەريالداردان ونەركاسىپتە قولدانىلاتىن قايتا وڭدەلگەن تالشىق پەن ءسۇرتۋ شۇبەرەكتەرى جاسالادى. سونىمەن قاتار جينالعان كيىمنىڭ شامامەن %13- ى قايىرىمدىلىق ۇيىمدارىنا بەرىلەدى، سەبەبى ولار ءالى دە كيۋگە جارامدى. ەكولوگيالىق باعالاۋلار بويىنشا جينالعان كولەمدى قايتا وڭدەۋ 74 مىڭ كەلىدەن استام CO₂ ەكۆيۆالەنتىنىڭ اۋاعا تارالۋىن بولدىرماۋعا مۇمكىندىك بەرەدى - بۇل مولشەردەگى كومىرقىشقىل گازىن ءبىر جىلدا 3730-دان استام اعاش سىڭىرە الادى، - دەپ حابارلادى اكىمدىكتەن.
بۇعان دەيىن Kazinform اگەنتتىگى ۇكىمەت قابىلداعان «تازا قازاقستان» ەكولوگيالىق مادەنيەتتى دامىتۋ تۇجىرىمداماسىنا اناليتيكالىق شولۋ جاساعان ەدى.
بىلتىر ەل اۋماعىندا 1,6 ميلليلن ءتۇپ اعاش ەگىلدى.
