الماتىلىق دارىگەرلەر وكپە قاتەرلى ىسىگىنە شالدىققان زەينەتكەردى امان الىپ قالدى
الماتى. KAZINFORM - الماتى ونكولوگيا ورتالىعىنىڭ دارىگەرلەرى وكپەنىڭ قاتەرلى ىسىگى دياگنوزى قويىلعان 72 جاستاعى قارياعا وپەراتسيا جاسادى.
ورتالىقتىڭ ونكولوگى رۇستەم يرساليەۆتىڭ ايتۋىنشا، كومپيۋتەرلىك توموگرافيا ناۋقاستىڭ وكپەسىندە كولەمى 10 س م بولاتىن ۇلكەن قاتەرلى ىسىك بارىن كورسەتكەن.
- ىسىك جۇمساق تىندە بولدى. كەۋدە حيرۋرگياسىنداعى مۇنداي ارالاسۋلار تەحنيكالىق جاعىنان ەڭ كۇردەلىسى. زەينەتكەرگە راديكالدى وتا جاسالدى - توراكوتوميامەن جوعارعى لوبەكتوميا، - رۇستەم يرساليەۆ.
ءۇش ساعاتقا سوزىلعان وتا ءساتتى ءوتتى.
- الداعى ۋاقىتتا گيستولوگيالىق زەرتتەۋ ناتيجەلەرى نەگىزىندە ءبىز حيميوتەراپيا جۇرگىزەتىن بولامىز، - دەدى ول.
وسىعان دەيىن الماتىلىق دارىگەرلەر 6 كەلى ميومانى ايەل جاتىرىنان الىپ تاستاعانى تۋرالى جازعان ەدىك.
