الماتىلىق دارىگەرلەرگە روبوت- حيرۋرگتەر وتا جاساۋعا كومەكتەستى
الماتىداعى №4 قالالىق كلينيكالىق اۋرۋحاناسىندا روبوت كومەگىمەن تىزە جانە جامباس بۋىندارىن اۋىستىرۋ بويىنشا وپەراتسيالار جاسالدى، دەپ حابارلايدى Kazinform.
اۋرۋحانا باسپا ءسوز قىزمەتىنىڭ مالىمەتىنشە، روبوتتى پايدالانعان كەزدە ەمدەۋ ءار ناۋقاسقا جەكە ءتاسىل ءپرينتسيپى بويىنشا جۇرگىزىلەدى، روبوت وپەراتسياعا دەيىن يمپلانتتىڭ وڭتايلى ولشەمىن جانە ونى ورناتۋدىڭ ناقتى ورنىن تاڭداي وتىرىپ، جاساندى بۋىننىڭ ءدال 3D جوسپارلاۋىن ورىندايدى.
«قاراشانىڭ 3 ءى مەن 7 ءسى ارالىعىندا ءبىز قازاقستاندا روبوتتىڭ كومەگىمەن تىزە جانە جامباس بۋىندارىن اۋىستىرۋ بويىنشا العاشقى وپەراتسيالاردى جاسادىق. ءبىز ەندوپروتەزدەۋگە مۇقتاج 9 ناۋقاستى تاڭدادىق. پاتسيەنتتەردى مۇقيات ىرىكتەۋ بىرنەشە اي بويى جۇرگىزىلدى. دارىگەرلەر كونسيليۋمى ءوتىپ، جاساندى بۋىندى ءدال 3D جوسپارلاۋ ءۇشىن كومپيۋتەرلىك توموگرافيا زەرتتەۋدىڭ سيفرلىق ناتيجەلەرى ا ق ش ماماندارىنا جىبەرىلدى. روبوتتى قولدانۋدىڭ ارقاسىندا وپەراتسيا ءدال جوسپارلانعانداي - 1 م م- دەن از قاتەلىكپەن جۇزەگە اسىرىلدى. سونداي- اق جۇمساق تىندەردىڭ جاقسىراق ساقتالۋى قامتاماسىز ەتىلىپ، بايلام اپپاراتىنىڭ وڭتايلى تەپە- تەڭدىگىنە قول جەتكىزىلەدى»، - دەيدى الماتى №4 ق ك ا حيرۋرگيا بولىمشەسىنىڭ مەڭگەرۋشىسى مەيرامبەك جۇماعۇلوۆ.
اۋرۋحانا ديرەكتورى ءبىرجان دوسمايلوۆتىڭ ايتۋىنشا، بۇل تەحنولوگيا دامىعان ەلدەردە تانىمال، ونى ا ق ش، كانادا، جاپونيا، كورەيانىڭ جەتەكشى كلينيكالارىندا قولدانىپ كەلەدى.
«قازاقستاندا روبوتتىڭ كومەگىمەن تىزە جانە جامباس بۋىندارىن اۋىستىرۋ العاشقى وتالارىن جاسادىق - بۇل يننوۆاتسيالىق ورتوپەديا ءۇشىن ءارى تراۆماتولوگيالىق- ورتوپەديالىق كومەكتى جەتىلدىرۋدىڭ جاڭا كەزەڭى. جىل سايىن مۇنداي وپەراتسيانى قاجەت ەتەتىن ناۋقاس سانى ارتىپ كەلەدى. ماسەلەن وسى جىلدىڭ 10 ايىندا ءبىزدىڭ اۋرۋحانادا ءبىر جارىم مىڭنان استام بۋىن اۋىستىرۋ وتاسى جاسالدى. ءبىزدىڭ ماقساتىمىز - قىزمەتىمىزدى جەتىلدىرىپ، ساپالى مەديتسينالىق كومەك كورسەتۋ»، - دەيدى ءبىرجان دوسمايلوۆ.
