الماتىدان ۆەتنامعا شىققان ۇشاق اۋەجايعا قايتىپ كەلۋگە ءماجبۇر بولدى
الماتى. KAZINFORM - الماتىدان ۆەتنامعا شىققان Air Astana ۇشاعى قالا ۇستىندە ءبىراز ۋاقىت قالقىپ، كەيىن اۋەجايعا قايتىپ ورالعان.
Air Astana جاۋابىنا سايكەس، 28-ناۋرىزدا الماتى - نيانچانگ باعىتى بويىنشا كس193 تۇنگى رەيسىن ورىنداعان Air Astana ۇشاعى تەحنيكالىق سەبەپپەن الماتى اۋەجايىنا ءماجبۇرلى تۇردە قونعان.
- رەيستى كۇتۋ كەزىندە جولاۋشىلارعا ىستىق تاماق پەن سۋسىندار، ال قالاۋى بويىنشا قوناق ۇيگە ورنالاستىرۋ ۇسىنىلدى. جولاۋشىلار باسقا اۋە كەمەسىمەن ساعات 07:15 تە جولعا شىقتى. رەيس كەشىككەنى ءۇشىن جولاۋشىلاردان كەشىرىم سۇرايمىز، - دەپ حابارلادى كومپانيادان.
ەسكە سالايىق، بۇعان دەيىن الماتىعا رەيس بروندايتىن تۋريستەر سانى 1,5 ەسە وسكەنىن جازعانبىز.
