الماتىداعى جەر سىلكىنىسى مەن ساباقتىڭ توقتاتىلۋى كولىك قوزعالىسىنا قالاي اسەر ەتتى

ەسەپ نەگىزىنە جەر سىلكىنىسى بولعان ءتۇن، 23- قاڭتاردا ساباقتىڭ توقتاتىلۋى، قالىڭ قاردىڭ جاۋۋى جانە قالىپتى اشىق كۇندەر الىنعان.

«23- قاڭتارعا قاراعان ءتۇنى ساعات 00:09 دا الماتىدا جەر استى ءدۇمپۋى تىركەلدى. وسىعان وراي، Sergek ITS جۇيەسىنىڭ دەرەكتەرى قالادا كولىك قوزعالىسىنىڭ كۇرت وسكەنىن كورسەتتى. قوزعالىس بەلسەندىلىگى شامامەن 4,5 ەسەگە ارتىپ، تۇنگى 1:00 دە شارىقتاۋ شەگىنە جەتىپ، تەك تاڭعى ساعات 5 تە عانا قالىپتى دەڭگەيگە ورالدى»، - دەپ حابارلادى كومپانيانىڭ باسپا ءسوز قىزمەتى.

جەر سىلكىنىسىنەن كەيىنگى العاشقى ساعاتتا قالا جولدارىنداعى كولىك سانى 40 پايىزعا ارتىپ، كەلەسى ساعاتتا ماكسيمۋم 208 مىڭ كولىككە جەتتى. بۇل وتكەن اپتانىڭ ءدال وسى ۋاقىتىمەن سالىستىرعاندا 267 پايىزعا ارتىق.

قالادان شىققان كولىكتەر سانى دا 152 پايىزعا وسكەن، ەڭ ۇلكەن ءوسىم ساعات 1:00-2:00 ارالىعىندا 239 پايىزعا جەتكەن.

سونىمەن بىرگە، الماتىدا 23- قاڭتاردا ءبىرىنشى اۋىسىمداعى وقۋشىلار ءۇشىن ساباقتىڭ توقتاۋىنا بايلانىستى تاڭەرتەڭگىلىك كولىك قوزعالىسى تومەندەگەن. الايدا، ورتاشا جىلدامدىق 25 پايىزعا ارتقان.

قار جاۋعان كۇندەرى الماتىداعى كولىكتىڭ ورتاشا جىلدامدىعى ساعاتىنا 7 شاقىرىمعا دەيىن تومەندەيتىنى انىقتالدى. ال جىلدامدىقتىڭ ماكسيمالدى تومەندەۋى تاڭعى ساعات 8 دە تىركەلگەن. سالىستىرمالى تۇردە، اسپان اشىق كۇندەرى بۇل ۋاقىتتا جولداعى ورتاشا جىلدامدىق ساعاتىنا 44 شاقىرىم بولسا، قار جاۋعاندا بۇل كورسەتكىش 20 پايىزعا دەيىن تومەندەيدى.

ايتا كەتەيىك، Sergek ITS - Sergek اپپاراتتىق-باعدارلامالىق جۇيەلەرىنەن الىناتىن «ۇلكەن» دەرەكتەردى (big data) پايدالانىپ، كولىك جاعدايىن تالداۋ مەن مودەلدەۋگە مۇمكىندىك بەرەدى. بۇل ۋاكىلەتتى ورگاندارعا كولىك اعىندارىن تيىمدىرەك ۇيىمداستىرۋعا، قالالىق ينفراقۇرىلىمدى جوسپارلاۋ نەمەسە وعان وزگەرىس ەنگىزگەن جاعدايدا نە بولاتىنىن ەسەپتەۋگە كومەكتەسەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى