الماتىداعى جەر سىلكىنىسى: 44 ادام مەديتسينالىق كومەككە جۇگىندى
الماتى. KAZINFORM - تۇنگى ساعات 1 دەن باستاپ تاڭەرتەڭگە دەيىن الماتىدا باس جاراقاتى، سوعىلۋ، اياق-قولدىڭ سوزىلۋى سياقتى جەڭىل جانە ورتاشا اۋىرلىقتاعى ءتۇرلى جاراقاتتارى بار 44 ادام مەديتسينالىق كومەككە جۇگىندى.
دەنساۋلىق ساقتاۋ مينيسترلىگىنىڭ مالىمەتىنشە، ءارتۇرلى كورسەتىلىمدەرمەن ولار قالانىڭ ستاتسيونارلارىنا جەتكىزىلدى، ونىڭ ىشىندە 34 ەرەسەك ادام، ونىڭ 3 ەۋى ەمدەۋگە جاتقىزىلدى، 31 ادام امبۋلاتوريالىق ەمدەلۋگە جىبەرىلدى.
«سونداي-اق 10 بالا مەديتسينالىق كومەك الدى، ونىڭ 5 ەۋى ەمدەۋگە جاتقىزىلدى، 5 ەۋى امبۋلاتوريالىق ەمگە جىبەرىلدى.
بارلىق پاتسيەنتتەر قالانىڭ ەمدەۋ مەكەمەلەرىندە بىلىكتى مەديتسينالىق كومەكپەن قامتاماسىز ەتىلدى»، - دەلىنگەن حابارلامادا.
تۇندە الماتى قالاسىنىڭ قوعامدىق دەنساۋلىق ساقتاۋ باسقارماسى جەدەل مەديتسينالىق جاردەم قىزمەتى مەن بارلىق كوپبەيىندى ستاتسيونارلار، ونىڭ ىشىندە مامانداندىرىلعان ستاتسيونارلار، بالالار ستاتسيونارلارى، قالانىڭ بوساندىرۋ ۇيىمدارى كۇشەيتىلگەن رەجيمدە جۇمىس ىستەپ جاتقانىن حابارلاعان.
