الماتىداعى ءزىلزالا كەزىندە 11 مىڭ ادام ارنايى قاۋىپسىز ورىندا تۇنەپ شىققان
الماتى. KAZINFORM - بۇل تۋرالى الماتى قالاسى ت ج د باستىعى نۇرلان اتىعايەۆ بريفينگ بارىسىندا ءمالىم ەتتى.
«ءبىزدىڭ قالادا 384 نىسان بار، بۇل - 229 مەكتەپ جانە 115 بالاباقشا. ونىڭ بارلىعى سەيسميكالىق تۇراقتى. تۇندە سول جەردە كۇزەت جۇمىس ىستەدى. ءبىر جارىم ساعات ىشىندە مەكتەپ قىزمەتكەرلەرى سول جەرلەرگە كەلىپ، حالىقتى قابىلدادى»، - دەپ ءتۇسىندىردى ت ج د باسشىسى.
ونىڭ ايتۋىنشا، رەتتەۋشى قۇجاتتارعا سايكەس اكىمشىلىكتىڭ حالىقتى جيناۋ پۋنكتەرىنىڭ كەلۋ جانە اشىلۋ ۋاقىتى قىس مەزگىلىندە - 1,5 ساعات، جازدا - 1 ساعات.
بەلگىلەنگەن ۋاقىتقا دەيىن بۇكىل جيناۋ نۇكتەلەرى اشىلدى.
«مەگاپوليس تۇرعىندارىن قابىلداۋ پۋنكتەرىنە 11 مىڭنان استام ادام جۇگىندى، ونىڭ ىشىندە 3,5 مىڭ بالا بار. قازىرگى ۋاقىتتا 1000-نان استام ادام بار، ونىڭ بارلىعى وسى ساعات ارالىعىندا ۇيلەرىنە قايتادى»، - نۇرلان اتىعايەۆ.
