الماتىداعى بارلىق جينالۋ نۇكتەسى اشىق تۇر
الماتى. KAZINFORM - قالانىڭ ءار ايماعىندا توتەنشە جاعداي كەزىندە حالىق جينالاتىن ورىنداردىڭ ءبارى جۇمىس ىستەپ تۇر. كوبىنەسە بۇل قۇرىلىس ستاندارتى مەن ەرەجەلەرگە سايكەس كەلەتىن ءبىلىم بەرۋ ۇيىمدارى: مەكتەپتەر، بالاباقشالار، كوللەدجدەر مەن ۋنيۆەرسيتەتتەر. بۇل تۋرالى اكىمدىكتەن ءمالىم ەتتى.
الماتى اكىمدىگىنەن ءمالىم ەتكەندەي، بارلىق مالىمەت 2ГИС الماتى پلاتفورماسىندا ورنالاسقان. ىزدەۋ كەزىندە «زارداپ شەككەن حالىقتى قابىلداۋ پۋنكتى» دەپ تەرسەڭىز، كارتادان حالىق جينالاتىن ورىندار كورسەتىلەدى. مۇنداي دەرەكتەر الماتى قالاسى ت ج د جانە اۋداندىق اكىمدىكتەردىڭ رەسمي سايتىندا قولجەتىمدى.
«قازىرگى ۋاقىتتا اۋدان اكىمدىكتەرىنىڭ قىزمەتكەرلەرى جينالۋ ورىندارىندا. سونىمەن قاتار، بارلىق ستاتسيونار، پەرزەنتحانا، جەدەل جاردەمنىڭ قالىپتى رەجيمدە جۇمىس ىستەيتىنى تۋرالى حابارلايمىز. جالعان اقپارات تاراتپاڭىزدار. بارلىق دەرەك تەك الماتى قالاسىنىڭ ت ج د رەسمي سايتىنا شىعادى»، - دەلىنگەن حابارلامادا.
اۆتور
الما مۇقانوۆا
