الماتىدا زاڭسىز ويىن بيزنەسىن ۇيىمداستىرعان ايەل ازەربايجاندا ۇستالدى
استانا. KAZINFORM - باس پروكۋراتۋرا مەن قارجى مونيتورينگى اگەنتتىگىنىڭ قىزمەتكەرلەرى ق ر ازەربايجانداعى ەلشىلىگىنىڭ كومەگىمەن زاڭسىز ويىن بيزنەسىن ۇيىمداستىرعان ايەلدى قىلمىستىق جاۋاپتىلىققا تارتۋ ماقساتىندا ەلگە ەكستراديتسيالادى.
قازاقستاندىق ايەل 2023 -جىلى الماتى قالاسىندا ادامدار توبىنىڭ الدىن الا ءسوز بايلاسۋىمەن زاڭسىز ويىن بيزنەسىن ۇيىمداستىرىپ، اسا ءىرى كولەمدە پايدا تاپتى دەگەن كۇدىككە ىلىنگەن.
- قىلمىس جاساعاننان كەيىن كۇدىكتى جاسىرىنىپ، وعان حالىقارالىق ىزدەۋ جاريالاندى.
اعىمداعى جىلدىڭ قاڭتارىندا ول باكۋ قالاسىندا ۇستالىپ، قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا وتانىنا ەكستراديتسيالاندى، - دەپ جازدى ق م ا باسپا ءسوز قىزمەتىنەن.
قازىرگى ۋاقىتتا كۇدىكتى الماتى قالاسىنىڭ تەرگەۋ يزولياتورىنا قامالدى.
ايىپتالعان قىلمىستى جاساعانى ءۇشىن مۇلكى تاركىلەنىپ، ءتورت جىلدان جەتى جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
بۇعان دەيىن قۇمار ويىنعا اۋەستەنگەن جەتى اسكەري قىزمەتكەر جۇمىستان قۋىلعان.
