الماتىدا تەرەزەدەن وق اتقان 23 جاستاعى جىگىت ۇستالدى
الماتىدا كوپقاباتتى ءۇيدىڭ تەرەزەسىنەن وق اتقان ەر ادام ۇستالدى. بۇل تۋرالى پوليتسيا دەپارتامەنتى ءمالىم ەتتى، دەپ حابارلايدى Kazinform.
«الماتى كريمينالدىق پوليتسياسىنىڭ قىزمەتكەرلەرى الەۋمەتتىك جەلىدەگى دابىل بويىنشا جەدەل ارەكەت ەتۋ اياسىندا اتىراۋ وبلىسىنىڭ تۇرعىنى، 2000-جىلى تۋعان ح. ەسىمدى ازاماتتى انىقتادى جانە ۇستادى. ول تۇرعىن ءۇي كەشەندەرىنىڭ ءبىرىنىڭ بالكونىنان، انىقتالماعان تاپانشادان اسپانعا ەكى رەت وق اتقان. ودان ءۇش پاترونى بار «RETAY PT24» سيگنالدىق تاپانشاسى تاركىلەندى»، - دەپ حابارلادى دەپارتامەنتتەن.
ۆەدومستۆو وكىلدەرى بوستاندىق اۋداندىق پوليتسيا باسقارماسىنىڭ قىزمەتكەرلەرىمەن ۇستالعان ادامنىڭ ارەكەتىنە قۇقىقتىق باعا بەرىلەتىنىن اتاپ ءوتتى.
ايتا كەتەيىك، بۇعان دەيىن الەۋمەتتىك جەلىدە تاپانشانى وقتاپ، اسپانعا قاراي وق اتقان ەر ادامنىڭ ۆيدەوسى تاراعان بولاتىن.
