الماتىدا تۋبەركۋلەزبەن اۋىراتىندار سانى 3 ەسە تومەندەدى
الماتى. KAZINFORM - الماتىدا تۋبەركۋلەز بويىنشا ەپيدەميولوگيالىق جاعداي تۇراقتى. بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا قالالىق «فتيزيوپۋلمونولوگيا ورتالىعىنىڭ» مونيتورينگ جانە باعالاۋ ورتالىعىنىڭ جەتەكشىسى ساۋلەش اۋەزوۆا مالىمدەدى.
سپيكەردىڭ سوزىنشە، كەيىنگى 10 جىلدا قالادا تۋبەركۋلەزگە شالدىعۋ كورسەتكىشى %60,5 عا، ال ءولىم-ءجىتىم دەڭگەيى %82,7 عا تومەندەگەن.
- جىل سايىن قالادا 484 جاڭا تۋبەركۋلەز جاعدايى تىركەلەدى. اۋرۋ جۇقتىرعانداردىڭ %30 دان استامى قاۋىپ توبىنداعى ادامدار - قانت ديابەتى، وكپەنىڭ سوزىلمالى اۋرۋلارى بار ناۋقاستار، ۇزاق مەرزىمدى گورمونالدى تەراپيا قابىلدايتىندار، ايتۆ جۇقتىرعاندار، الكوگول مەن ەسىرتكىگە تاۋەلدى ازاماتتار. سونىمەن قاتار ناۋقاستاردىڭ شامامەن 8 پايىزى بەلگىلى ءبىر تۇرعىلىقتى جەرى جوق ادامدار، - دەپ اتاپ ءوتتى ساۋلەش اۋەزوۆا.
ايتۋىنشا، قالالىق زەرتحانادا تۋبەركۋلەزدى نەبارى 1,5-2 ساعات ىشىندە انىقتاۋعا مۇمكىندىك بەرەتىن زاماناۋي جابدىقتار بار.
- سونداي-اق Xpert MTB/XDR اپپاراتتارى ورناتىلعان جوعارى تەحنولوگيالىق زەرتحانالار جۇمىس ىستەيدى، ولار تۋبەركۋلەزگە قارسى پرەپاراتتارعا توزىمدىلىكتى 90 مينۋت ىشىندە انىقتاي الادى. ءۇش قالالىق ەمحانادا G- Xpert پ ت ر اپپاراتتارى جۇمىس ىستەيدى، بۇل مولەكۋلالىق- گەنەتيكالىق دياگنوستيكامەن قامتۋدى %32,2 عا ارتتىردى، - دەدى ول.
جاڭا پرەپاراتتاردى ەنگىزۋ ەسەبىنەن دارىگە ءتوزىمدى تۋبەركۋلەزدى ەمدەۋ ۇزاقتىعى 18-24 ايدان 6-9 ايعا دەيىن قىسقاردى.
- الماتىدا BPaLM رەجيمى بويىنشا «پرەتومانيد» پرەپاراتى قولدانىلاتىن پيلوتتىق جوبا جالعاسىپ جاتىر. قازىر 91 ناۋقاس وسى باعدارلاما اياسىندا ەم قابىلداۋدا، ولاردىڭ 48 ءى تەراپيانى ءساتتى اياقتادى، - دەدى ول.
2024-جىلى امبۋلاتوريالىق ەم قابىلدايتىن 963 پاتسيەنتكە 197,8 ميلليون تەڭگە كولەمىندە كومەك كورسەتىلدى. سونىمەن قاتار پاتسيەنتتەردىڭ %57 ى ءدارى-دارمەكتەردى قاشىقتان، بەينەباقىلاۋ ارقىلى الادى. ايەلدەر مەن بالالارعا، قارتتار مەن قوزعالىسى شەكتەۋلى پاتسيەنتتەرگە ارنالعان ارنايى موبيلدى توپتار ءدارى-دارمەكتەردى ۇيلەرىنە جەتكىزەدى.
ەسكە سالايىق، بىلتىر الماتىدا بالالار اراسىندا تۋبەركۋلەز اۋرۋى كوبەيگەن بولاتىن.
